維多利亞公園苦楝樹（Melia azedarach）開花

 2021年3月中

維多利亞公園有約十棵大大小小的苦楝樹，苦棟樹普遍樹型高大，花瓣淡紫色，雄蕊管紫色，柱頭生於管內，核果球狀果子綠色，成熟時深褐色，花期4-5月，今年3月中花已盛開，其中一棵在天橋側邊，可以影到細少的花兒。

Monchhichi陪我去影相 - 深井紫藤花盛開

 2021年3月13日晴天

行山經過喜香農莊入內休息，

農莊種植了好多蔬菜及瓜果，

還有時花，春天是紫藤花，花開得燦爛，

連芝芝都要打個咭呀﹗

Monchhichi陪我去影相 - 18區花展之愛秩灣園圃

 2021年3月9日陰天

18區花展其中一個最近我是愛秩灣園圃，園團以日式庭園設計，除左櫻花外，其它花都是陪襯，只是剛展出櫻花就開始出葉，其它花亦已淍謝，只剩下車輪梅比較吸引，如不換花街坊都話點展出到月尾﹗

Monchhichi陪我去影相鴨脷洲無憂花大爆發

 2021年3月

離開了花展會場，沿海濱行到大橋底，見到好多橙色花好吸引，行近睇原來是憂花，整個藍球場有約十棵無憂花及串錢柳圍住，無憂花比我在市區見的更加高大，花數量好多又密，一球球橙色花掛在樹上好靚，再加上紅色的串錢柳，構圖非常之美，連街坊行都要影影相，公園周邊還有金露花盛開，在公園有一花棚種植了紫藤花，只有幾朵花都幾靚架﹗

Monchhichi陪我去影相 - 18區花展鴨脷洲櫻花大爆發

 2021年3月18日晴天

今年花展分開18區展出，

其中鴨脷洲花圃展出十多棵八重櫻

花已全部盛開，花瓣又多層，

數朵花連在一起密麻麻一球球花非常之多，

藍天下櫻花更加吸引，

引來影友街坊都不停按下快門，爽﹗

Monchhichi陪我去影相 - 動植物公園松果菊,秋英盛開

 2021年3月1日

動植物公園每個季節都有不同花卉

在大草地作特別裝飾，

在3月份是松果菊及秋英，

松果菊我第一次見，

花蕊部份圓圓像個波好可愛，

就帶同芝芝去打個咭﹗

動植物公園紅花荷(吊鐘王)盛開

 2021年3月1日

動植物公園紅花荷(吊鐘王)盛開，

花形有如雨傘，一把把小雨傘掛在樹上，

可愛﹗

完美的紅花風鈴木

 2021年3月某天

好新鮮的紅花風鈴木，

朵朵都完整近乎完美，超美﹗

柯士甸公園百花齊放

 2021年2月21日晴天

柯士甸公園除左桃花，重有象牙花、玉蘭花、郁李花及紅花荷(又名吊鐘王)全部剛好盛開，出相慢要睇花就要等下年啦^_^其中一款花個名好特別，深山含笑一個好有武俠片的名字

中文名稱: 深山含笑

中文別名: 莫氏含笑

學名: Michelia maudiae

英文名稱: Maud_s Michelia

植物科名: MAGNOLIACEAE木蘭科

山頂柯士甸公園桃花滿開

 2021年2月21日晴天

山頂柯士甸公園竟然發現一棵桃花，

桃花開得燦爛又靚，需然有部份已謝了，

仍然好吸引﹗

Monchhichi陪我去影相 - 18區花展之一中環鬱金香

 2021年3月16日晴天

今年花展取消了，就在18區各有花圃裝飾，其中每年的重點鬱金香，就落在中環海濱近政總位置，花圃用上簡潔裝飾，主角當然是鬱金香，花非常之新鮮近乎完美，可能今天是第一日展出，遊人不是太多，展期到3月31日，花期有限要去就要快，留意人多時要限制入內及有時間限制﹗

Monchhichi陪我去影相 - 元荃古道禾雀花

2021年3月13日

遲了一星期去，好多花已謝了，就算剩下都已殘殘地，不過現場睇禾雀花數量之多，簡直可以用震撼來形容﹗

Monchhichi陪我去影相 - 動植物公園杜鵑花滿開

每年杜鵑花在3月份盛開，動植物公園就有大量杜鵑花，無論在那個角落都可欣賞到，由其是正門入口位置，就小山坡山就各種不用顏色的杜鵑花，就帶芝芝去打個咭﹗

Monchhichi陪我去影相 - 動植物公園吊鐘花滿

今年動植物公園的吊鐘花比往年早開，我去時已滿開花有少少殘，公園只有一棵吊鐘花，花型比野生的花細少，圓圓的好可愛，拍攝日期前兩日去過，相隔兩天就同芝芝去打個咭﹗

春季限定銀珠黃葉

 2021年3月

個個都去追黃花，我就去追黃葉，黃葉非常之搶眼，遠遠都看見還以為是黃花，春季限定銀珠，維多利亞公園有幾拾棵銀珠，到了4月中開花，就可欣賞到黃色小花﹗

Monchhichi陪我去影相 - 回到日本賞花的感覺白花羊蹄甲

2021年2月28日晴天

春天百花齊放，羊蹄甲及洋紫荊兩種花在香港都種植了好多，白花羊蹄甲更加少見，今年雨水少，好多羊蹄甲都是花多少葉特別靚，行山經過時見到一棵在路邊的白花洋蹄甲，花非常之多又新鮮，影相出來一片花海，有點似到日本賞櫻花的感覺。

Monchhichi陪我去影相- 佐敦谷公園禾雀花大爆發

2021年3月

Monchhichi陪我去影相禾雀花大爆發，我從未見過咁多一串串的禾雀花，超靚，好多大媽去影相，又擺甫士又企上椅，花已經好近，又要拉花貼住面影，我等完一班大媽走了，又來一班大媽，唯有快閃同芝芝打個咭，我連一張相都無同自己影過>_<要去就要快，聽大媽講禾雀花成熟時會有一陣味，我聞到有好大陣味，我估花期快要過，因為有好多花已開始殘殘地﹗

Monchhichi陪我去影相黃大仙廣場禾雀花

 2021年2月28日晴天

黃大仙廣場的一個小角落，有幾棵禾雀花盛開，好難得在市區見到禾雀花，顏色特別花未開時真像雀仔，芝芝都要打個咭﹗

聽濤雅苑櫻花

 2021年2月22日晴天

馬鞍山對我來講都幾遠，難得入到去就順便去幾個地方影櫻花，先到頌安村影櫻花，由頌安村步行去聽濤雅苑不遠約10分鐘左右，公園剛2月份開，園內種植了約10棵左右櫻花，開花只有一棵滿開，另一棵有花蕾，其餘都像樹枝一樣，需然只有一棵滿開，但櫻花好新鮮好靚，又無人影相可以慢慢影。

頌安村櫻花大爆發

  2021年2 月22日晴天

收到朋友通知，馬鞍山有櫻花盛開，

櫻花在頌安村及聽濤雅苑中間的一個公園，

公園內種植了幾棵櫻花，

有兩,三棵盛開花多又密，花形又靚，

櫻花配上藍天，

令我有點回到日本賞櫻的感覺。

茘枝角公園富士櫻大爆發

2021年2月18日晴天

茘枝角公園第三期有幾棵富士櫻花，全部已盛開，但花枝非常之密，好難影到獨立櫻花，令到相片背景非常之雜亂，但純欣賞櫻花就無乜問題，櫻花開得好靚。

Monchhichi陪我去影相 - 南昌公園黃花風鈴木

 2021年2月17日晴天

今年南昌公園的黃花風鈴木早開，

又要帶同芝芝去打咭，只有一棵滿開，

其餘的黃花風鈴木花數量不多，

相信過多兩星期應會全部盛開。

Monchhichi陪我去影相 - 金督馳馬徑吊鐘花大爆發

 2021年2月20日晴天

假期去行山是近來的節目，過了紅日假期去行山，加上堂食可以四人，相對行山遊人已大減，金督馳馬徑多數是平路非常之好行，整條山徑吊鐘花都算多，不過多數花好高，近在路邊又滿開只得幾棵，純欣賞都吾錯，但影相就要有超級長鏡啦。

柴灣公園落羽松

 2021年1月23日

早前天氣凍，好多落羽松都轉紅，我住左咁多年這個小社區，都未見過咁橙紅的落羽松，需然只有一兩棵，但有陽光映照下都好靚﹗

柴灣巴士廠木棉盛開

2021年2月12日晴天

大年初一吾使去拜年，去行山又多人，

近近地去巴士廠睇吓木棉，

巴士廠周邊有數十棵木棉，

差不多有一大半已開花，

橙紅色花好有新年氣氛花多又密，

有些矮少的木棉可以可以影到近鏡，

不過要有雀就未必有啦。

鰂魚涌康柏郊遊徑吊鐘花大爆發

 2021年2月14日晴天

今次去得合時，吊鐘花大爆發，數量之多是我從來未曾見過，花多到不得了，一次過影吊鐘花影到飽^_^

花開富貴迎牛年

 2021年2月12日晴天

大年初一祝大家牛年新年快樂﹗

心想事成﹗身體健康﹗疫症快完﹗

除下口罩重回正常生活﹗

閒遊布力徑 - 吊鐘花大爆發

2021年2月6日晴天

布力徑相對其它郊遊徑比較少人，2月初亦是吊鐘花盛開季節，早兩星期來過好少吊鐘花，估不到兩星期過去，吊鐘花竟然大爆發花多又密，一串串小鐘掛在樹上十分可愛得意。

豐富的團年飯

 2021年2月7日晴天

晚市沒有堂食，只好在家煮，最好味是泰式煎蝦，冬菇炆蠔士發菜，印度椰子金華火腿羊肚箘藥材湯好足料，團年飯一家人齊齊整整又過了一個愉快的晚上。

閒遊山頂公園 - 吊鐘花初開，繡球花海

 2021年1月31日晴天

山頂公園內有好多花卉，不同季節都可欣賞到美美的花花，2月是吊鐘花及玉蘭花，我去時玉蘭未開花，吊鐘花就初開，一個個小鐘掛在樹上好可愛得意，相信過多一星期吊鐘花就盛開﹗

鐘花櫻桃盛開 - 山頂柯士甸公園

 2021年1月31日晴天

山頂柯士甸公園內有幾棵鐘花櫻桃，種植時間只有兩,三年又不是年年開花，今年開花了，花都算多又密，配上藍天即刻吸引力再加分呀﹗

Monchhichi陪我去影相 - 維園紫花風鈴木盛開

 2021年1月29日晴天

難得去影相，就順路去埋維園影紫花風鈴木，需然只有一棵盛開，但花多又密加上陽光，花朵透光下更見艷麗，不過有部份花已開始謝，要去影就要快啦﹗

Monchhichi陪我去影相 - 鰂魚涌狗狗公園盛開炮仗花

 2021年1月28日晴天

早前已到公園逛逛炮仗花只有少量開花，過了兩星期再去，炮仗花已盛開，一串串橙色花掛在棚上，花多又密非常之吸引，今次帶同肥芝芝一齊去影相，又要影花又要同肥芝芝影相好忙呀，哎呀·原來我一張相都無影過^_<

Monchhichi陪我去影相 - 青衣公園落羽松

 2021年1月18日晴天

青衣公園內有好多棵落羽松，冬天時會轉成橙紅色，早前天氣寒冷，落羽松已轉色啦，就帶同芝之一齊去影相，這天公園內遊人及影友都好多，由其是影友更是長短炮打雀，我用超級長距小DC亦可以打到^_^公園內亦有幾棵香楓轉紅。

閒遊鰂漁涌郊遊徑到大潭水塘

 2020年12月14日陰天

一條我常去的郊遊徑，初段上斜到達大風坳後全下山，到了大潭水塘後全平路全程易行路線，大潭水塘的紅葉已經變成枯葉，還長出新葉紅紅綠綠非常之美，水塘周邊全是大頭茶，只可惜我來遲了，只見到枯萎的大頭茶，如合時漫山遍野都是白色的花，可想是多麼的美。

鯉景灣紅葉

 2021年1月16日晴天

某天坐車經過見到幾棵香楓已經轉紅，

難得好天氣又有陽光就去影影，

這裡有十多棵香楓，只可惜不是同一時轉紅，

有幾棵已落葉全及枯葉，

另有幾棵仍然有好多葉子全已變紅，

陽光照耀下紅似火，

這裡沒有大棠咁多香楓，但有幾棵亦不錯，

只要留意多一點，

不難發現身邊總有攝影吸引力。

氣炸鍋免揉歐式麵包

睇到BLOG友WINNIE整免揉歐式麵包看似簡單，就用氣炸鍋試整，出來樣子好靚仔，外面好硬內裡亦是有點硬，可能時間不需要咁耐,我用35分鐘，下次再整時要調整時間及溫度，再接再勵。

天橋邊的紫花風鈴木

 2021年1月3日

FB當年今日提示，同一天去逛逛，

風鈴木花蕾好少，只有少量花盛開，

在天橋邊街坊行過都吾會留意。

紫花風鈴木盛開 - 深水埗公園

 2020年1月8日陰天

每年風鈴木在春天3月盛開，在網上見到甫士一張風鈴木相片，標誌是深水埗公園，我從未聽過有這個公園，原來我以前是經過這裡影木棉，記憶以為是長沙灣，公園位置在深水埗泳池側，公園內好多棵紫花風鈴木，目測有7,8棵開花，其中一棵淺粉紅色開始謝，其餘深粉色就盛開。

行山樂 - 閒遊陽明山莊到大潭水塘

 2020年12月9日陰天

陽明山莊到大潭水塘路程輕鬆，只有在巴士站上陽明山莊這段車路是上斜外，步程約10分鐘左右，其餘全是下山路，這段郊遊徑有好多植物，其中茶花就多到滿山及路傍都有，只可惜我來遲了，花大多數己謝，如早兩個星期來就可欣賞到滿山都是茶花盛開，大潭水塘亦是欣賞紅葉的好地方，輕輕鬆鬆行了兩個小時，就坐車回家。

回顧2020

 2020年快要過去，我今年沒有甚麼大事發生，媽媽健康比上年好，但都入了兩次醫院，在疫情下不可探病，足足有兩星期不可見媽媽，只以電話報平安，幸好兩次入院後，身體越來越好，2020年亦是全世界自我隔離的一年，因疫情影響下，4月的德國之旅及12月的北海道之旅亦要取消，為了保障自己及家人，除了必須的工作及所需外，還是少去人多的地方，寄望下年有疫苗，可以為大家防禦病毒，終有一天除下口罩，重回正常生活。

維多利亞公園紅葉2020

 2020年12月22日

維園內十多二十棵香楓分佈在公園內四周，

其中在草地側邊的香楓已轉紅，

如有陽光相信紅葉會更加吸引，

其餘的香楓就多數都未變紅。

閒遊迪士尼渡假區(冬季版) 12-2020

 2020年12月初

冬天的迪士尼渡假區，奇花異草比春夏天少，但每次到來都有少少驚喜，閒遊迪欣湖一圈及迪士尼渡假區，步行到一萬五仟步^_^影影相又可消脂做運動，就是疫情下的最佳節目﹗

紅似火的大葉欖仁

 2020年12月27日

寶雲道是一條好輕鬆的行山徑，春夏時蟲蟲特別多，秋天時份大葉欖仁轉紅不比香楓差，寶雲徑有幾棵高大的大葉欖仁，時間剛剛好差不多全轉紅，紅似火的葉子，再加上陽光照射，葉子全是血紅色，好多遊人都停下來影相，現場睇十分震撼。

浪漫東歐三國賞楓16天自由行 - Day - 4 - 2，童話世界夢幻小鎮捷克 Cesky Krumlov庫倫洛夫 (模型版)

 2018年10月23日陰天

秋天色彩豐富，到處都是紅橙黃綠的樹木，登上CK小鎮最高點彩繪塔，就可360度全景觀看CK鎮的美景，小鎮全是紅磚瓦頂小屋，充滿童話色彩，再加上用模型拍攝，全是一間間模型小屋十分有趣。

Merry Christmas 2020

 2020年12月24日

2020是個不一樣的一年，在疫情影響下，大家都要保持社交距離，往年聖誕節都會招呼親朋好友來家慶祝，今年全部要暫停，唯有過一個平淡的聖誕節，等疫情散去後再相敍﹗

Monchhichi陪我去影相 - 閒遊迪欣湖及迪士尼渡假區(冬季版) 7-12-2020

 2020年12月7日晴天

相隔6個月再遊迪欣湖及迪士尼渡假區，

疫情影響下迪士尼樂園亦再次關閉，

整個渡假區冷冷清清，反而迪欣湖就多了遊人，目測好多情侶、長者到來遊玩。

疫情下的生日

 2020年12月

差不多每年生日都出外旅行，原計劃到北海道過一個白雪的生日，但因疫情影響而計劃告吹，生日留港過都可以好開心，生日飯留在家食燒肉慶祝，多謝好多朋友的祝福，今年大家見面都少左，希望疫情散去後，大家可以如往昔一樣歡敍吧﹗

香港紅葉

 2020年11月

今年香港紅葉普遍來得早，

早在11月中香楓已變紅，

加上這幾天天氣轉冷，相信就快全變紅，

等好天氣又再去影影。

Monchhichi陪我去影相 - 中環置地廣場聖誕燈飾

 2020年11月27日

每年聖誕節香港各大商場都佈置得美輪美奐，今年受疫情影響，好多商場都以簡單佈置，連最有睇頭的海運大廈亦大為失色，早前去了置地廣場影燈飾，手機影出來質數比小DC更加好，更為芝芝影了不少靚相，燈飾都算靚，吾知點解總是覺得聖誕雪人個樣好似好吾開心？又代表大家的心情嗎？

和大家再次分享2016年置地廣場聖誕燈飾

Monchhichi陪我去影相- 聖誕燈飾置地廣場及中環遮打花園