鐘花櫻桃

2010年1月31日晴

等左一年終於有機會到嘉道理拍攝鐘花櫻桃，當天天氣非常之悶熱，又多影友拍攝，鐘花櫻桃又生長得非常之密，都吾知點構圖

，加上好多花已開始謝，咁影左一個上午，就決定再去青衣影多轉桃花。

 

 

 

 

再戰東北-我回來啦

話咁快8日旅程又玩完，今次玩得好開心，影得又好開心，之前有2位

神秘朋友參團，我去到機場和領隊報到時，見到份人名表時真係喜出

望外，真係開心到跳起架真係失儀態添，好在冇團友睇到只有領隊

係咁笑笑口話快啲去辨登機證啦，個2位神秘朋友原來是我霸上團友，

我早兩個星期和她們敍會時，得知她們是去山西，而其中一位朋友上年

已去過雪鄉及長白山，我跟本冇想過是她們，哈哈﹗原來佢哋比左個

咁大驚喜我整個旅程好順利，落大雪都有遇到，但總括每一天都

好好天，又有藍天白雲，天氣好凍好凍，有一日睇日出氣溫竟然有

零下三十多度，手手腳腳跟本凍到好痛好痛，影相從未試過咁凍

這是第一次，當天日出好靚又見到霧淞，咁凍都是好值得，我們又

好好彩上長白山北坡又可以清楚見到天池，只過了十多分鐘又大風

又大霧甚麼都見吾到，在長白山西坡就睇吾到天池啦，要上一千多

梯級上山頂又厚雪跟本好難行，我和朋友只上到一半就放棄，

跟住重好玩，我們由山腰滑落去，玩到不知幾咁開心，跟住重玩

埋瞓雪添，還有今次團餐好美味，我們還以為參加了美食團添，

總之今次旅程我就好滿意

 

 

 

 

龍精虎猛

老虎代表萬獸之王，理應是好生猛，點之我竟然做左好隻病貓，這情況我都習以為常，今次重要上機前都重要見吓醫生，帶埋多點藥去旅行，唉﹗醫生、醫生你幾時可以遠離我呀吾好要我去探你啦，就快踏入虎年，祝自己身體健康(年年如是這個願望)、龍精虎猛，虎虎生威，活力充沛，好快就要由溫暖的香港，進入一個白色世界，我會保重自己，各位請放心，我回來必定報個平安，祝各位新年快樂，開開心心﹗

再戰桃花園

2010年1月31日晴天

一星前桃花只開了一少部份，即通知朋友們青衣有桃花影，好開心好多朋友都有去影，重拍到好滿意的作品添，事隔一個星期我又再次到訪青衣公園，桃花已開左八成左右，又有好多好多影友影相，但當天天氣非常之熱，加上早上已趕了一場嘉道理影吊鐘櫻桃，已非常之倦，影影吓已想回家，又估不到當天回家時，見到一個好靚的咸蛋黃，不過美景只記在腦中