美食助慶

在未上載荷花相片前，先放一些美食相片吸引大家，一連兩天的三水荷花世界+百萬葵園攝影團，真係美食豐富，番禺百萬葵園既馳名葵花雞, 葵花炒飯啦 ，三水石頭鍋炒飯啦 ，一圍枱兩大舊石呀， 砂鍋古法焗海鯇， 鐵板魚腸焗蛋啦等等,，當然仲要 全場任飲天地一號萍果醋 " , 人人一句潮流最興既 "人生有幾多個十年, 最緊要係好好影一番" ,  這是玲姐的格言，以往有朋友跟攝影團回來必講有相影，但冇啖好食，曾在一本雜誌上睇到記者跟某旅社攝影團到河北霸上採訪，話河北霸上物資不多，所以天天吃蛋，12道菜有5道是蛋，番茄炒蛋，煎蛋餅，蛋花湯，葱炒蛋和烚蛋等等，想當年我去霸上早過記者約兩年去啦，蛋是有但沒有咁多款，還有好多美食，最難忘是拔絲薯仔每餐都有，我想這間旅社一定是食水好深啦，霸上點會冇好嘢食呢

第一日午餐

張枱需然細左少少，但餸菜真係好多

第一日晚餐

第二日午餐

第一晚加遊夜街買生果

 

 

 

藍天與白雲

好耐都冇見太陽伯伯，真的好掛住你，天陰陰心情都會有點混亂，最近睇到一位師兄的一篇網誌，睇完後心裏總有點不舒服，加上他回答了好多他的意見，真是令我好感動，咁多年來這問題一直存在我心裏，我只是不想再深入了解，了解都冇用失去就已經失去，只想為持現況到永遠，真的好羨慕這位師兄，不過人已經長大心境和以前亦有點不同，有時想起都會有一點點回憶不過吾係好多，總之吾再想順其自然，久違了的藍天與白雲又再出現，心情一定會好好

 

 

相識是緣份

最近收到一位好友W君來電，問有冇興趣去玩番轉？但好幾次W君去旅行前

都會問我可有興趣去，好可惜每一次因為我的假期不配合而告吹，今次立即

答應她和她去玩番轉，我們是在遼寧旅行時認識的，同枱的團友曾問你們一

齊到來架，其實我們都是第一次跟這個團才認識的，每次大家同枱食飯時都

有好多話題傾，每次大家都傾得好開心，今次和她玩番轉的行程我上年已去

過，加上今次二十多人全部是她去元陽旅行的團友，他們回來還有約出來睇

相，大家還即時決定報這個團，我上年去內蒙古咁好玩，玩完回來都冇人約

出來睇相，甚致電郵都冇回應，不過吾緊要啦，當時玩得開心已經帶給我有

好多美好的回憶，但自己曾經單方面對朋友的熱情，每次熱誠的致電，開心

約出來見面，每次每次都要搵人還要搵地方敍敍，又要想那位朋友不喜歡這

，那位朋友又不喜歡這次次如是，每次做攪手都沒有問題，只要和好友們出

來談天說地實在感到好開心，但最吾開心是選擇食店，問大家又永遠冇意見

，點之簡到之食完才講吾喜歡，久而久之我已沒有心機再約，但自已又有時

掛住佢地，又忘記之前的事又約過，我相信相識是緣份，但要友誼恆久是要

大家付出，不過並不是付出就有回報，所以現在都是隨緣不再強求

                                    

 

日式西餐廳

今天工作十分吾開心壓力好大，放工後決定要放鬆，咁晚餐就去我的致愛，吃日式咖喱，日式咖喱味道偏甜而辣味不濃，好適合我只可以吃少少辣的人，蛋糕更是我的最愛，每次到來必定吃，吃完一頓豐富的晚餐後，再去行行街，好像沒那麼緊張啦，希望明天工作可以順順利利

 

咖喱吉列豬扒飯

藍莓芝士蛋糕

黑森林蛋糕

這篇是我的第一百篇網誌，在過去的九個月裏得到各位網友留言，曾有一段時間自己不開心，網友們給我的支持和鼓勵，實在感到開心，希望在BLOG內繼續和各位分享

2009國際龍舟邀請賽

端午節在赤柱只拍攝到如嘉年華會一樣的熱鬧氣氛，扒龍舟比賽好似沒有影到，得知2009國際龍舟邀請賽在沙田城門河舉行，於是帶齊架生去拍攝，今年參觀人數沒有往年多，所以有好多位置可以拍攝

 

 

 

 

生日快樂

每年到了六月份就好熱鬧啦，有家人及朋友在這個月生日，行山發燒友、CAT哥及DAVID哥，以前朋友生日都一定出來慶祝，到了後期大家各有各忙都好耐冇一齊慶祝，連敍會亦少之又少，到現在的朋友又吾會講生日比人知，如果生日在一些特別日子你話幾好呀，實會有人記得，好似聖誕、除夕、元旦，還有情人節，我都有朋友是情人節生日，幾好一次過慶祝兩個節日，祝各位在六月份生日的朋友生日快樂