2019關西北陸追櫻13天自由行 - Day 4 - 2 生駒山上遊樂園、特式大和西大寺駅

2019年3月31日晴轉陰天

午餐後又開始餘下行程，生駒山上遊樂園，由大和西大寺駅坐9分鐘列車就到生駒內駅，再步行鳥居前駅坐登山覽車樂園，樂園位於海拔642米的生駒山上，樂園不需要入場費，就可以免費在裡面遊玩，如要玩機動遊戲就每次收費或買套票，遊樂設施大部份適合小朋友，大人只有小部份機動遊戲，我吾玩機動遊戲只到此逛逛^_^樂園最大賣點是可以欣賞到奈良盆地，天氣好時候還能看到石海峽大橋跟淡路島，黃昏可以賞日落及夜景，這天天氣變幻無常，初時還有太陽，之後急速變化大風有如8號風球一樣，又落了雨雪及冰雹一陣，不消多久天氣又轉變，開始有藍天^_^樂園有好多家長帶同小朋友到來遊玩，設施需然簡單，但小朋友都玩得好開心呀，這裡亦有少量櫻花，好可惜櫻花全未開，如開了相信亦十分美，之後再回到大和西大寺駅，這個駅有另一些吸引人之處，如你是火車迷就必到，站內有多致十多條路軌，火車鐵路好繁忙，有時可以一次過同一時間見到有多達4架列車經過，我就好喜歡睇，原來有好多人喜歡影這情景的火車，我見到有好幾位師兄企在月台係咁影，只可惜我部吾係靚機，小DC又慢影吾到4架火車經過，到了差不多時間，又要去下一點，京都^_^因為個套票可以去，昨天坐車經過見到有個公園有櫻花盛開，我又吾想去行街，有時間就去逛逛，下一站京都梅小路公園。

初時天氣仍是藍天

2019關西北陸追櫻13天自由行 - Day 4 - 1 奈良浮見堂、冰室神社、奈良公園，午餐Gateau Des Bois Cafe

2019年3月31日晴天

今日行程是到奈良公園，先到奈良浮見堂賞櫻花，這裡櫻花被評開了6成左右，由奈良近鐵站坐巴士到浮見堂非常之方便，早上浮見堂只有好少遊人，可以慢慢欣賞櫻花，之後再步行到奈良公園去餵鹿，途中經過冰室神社，神社內櫻花都開了7,8成，好多遊人影相，粉紅的垂櫻好靚，到達奈良公園就有好多鹿來迎接，緊係啦，鹿鹿以為遊客帶來鹿餅餵食，我亦有買鹿餅餵鹿，不過啲鹿好狼C，為了食竟然整個人企起，嚇到我吖>_<奈良公園櫻花只有少量吉野櫻花開，到差不多時間就去午餐，午餐吃蛋糕，Gateau Des Bois Cafe位於近鐵大和西大寺駅，Cafe距離駅只有幾分鐘步程，2017年11月我亦來過一次，味道一試難忘，今次要再來品嚐，嘻嘻﹗午飯時間好少人來吃蛋糕，Gateau Des Bois Cafe有兩款蛋糕得到1991及2007世界洋菓子大賽得到冠軍，其中開心菓朱古力慕斯蛋糕是我食過最好食的蛋糕，

幼滑入口即溶的朱古力慕斯，非常之美味。

浮見堂櫻花只有5,6成左右都好靚，早上少人可以慢慢影

2019關西北陸追櫻13天自由行 - Day 3 鴨川河岸、京都御苑、午餐pancake house cafe rhinebeck、阿陪野近鐵百貨芝芝特買場、晚餐溫野菜火煱

2019年3月30日陰天

今天氣溫下降加上有雨，真係幾凍吓，買了一天京都、大阪觀光一日券，就可省回不少交通費，首站到達鴨川河岸，好失望櫻花只開了1,2成左右，只是間中才見到一,兩棵櫻花比較多，在網上見到京都御苑有好多垂櫻滿開，就改行程，由鴨川岸行去京都御苑只需要十多分鐘步程，京都御苑好大，其中垂櫻只集中在御苑的一角，垂櫻全部滿開好靚，但遊客就好多好多，大家都圍在櫻花樹下不停拍照，公園內其它地方的櫻花只開了2,3成左右，公園還有梅花及桃花盛開，之後到了pancake house cafe rhinebeck吃午餐，餐廳最出名是pancake，味道都吾錯，不過份量都算多，未吃完已感到有點漏，回到大阪有時間就到中之島公園賞櫻花，只可惜天氣真不似預期，不停下著細雨，公園好細櫻花又少，連相都沒有拍就走啦，再到今次我最期待的點，阿陪野芝芝特買場，位置在阿陪野近鐵百貨內，場內展出多款芝芝，大部份都是新款及特為特買場專買的鱆魚版芝芝，我亦買了多款精品大出血呀，回到酒店放下戰利品，就到酒店周邊食晚飯，周邊食店多的是，大部份都不用排隊，溫野菜火煱我已來過一次，今次無上次咁好食，吾通去第二次總是無咁好食。

京都、大阪觀光一日券JPY800(HKD56)

阿陪野近鐵百貨芝芝特買場