沙巴 - 第一天美麗的日落

2013年9月19日晴天

第一次自由行，由籌備到出發不足有一個月時間，初時還想跟團，到後來在網上搜集資料，知到沙巴好細，自由行都好方便，就決定試試自由行，因時間不夠，想買平價機票又無我份啦，日期選定中秋節機票有，又要搵酒店，因吾想太趕，又想在酒店多點時間，五星級渡假酒店就最好，沙巴數得出五星酒店不出十間，在市中心又好似沒有渡假feel，網上已經訂吾到幾間渡假酒店，只好在旅社買package，在網上睇到安運做promotion，原來又是以平來吸引，到上去問又話要落訂才可問有無房，這間無不如加錢找另一間，結果拖了四,五天不停email才回覆幾間酒店都無房，結果在另一間旅社訂到其中一間，算吧價錢貴左少少，但係又可跟期出發都吾緊要，最主要是這間旅社售後服務吾錯，因我回程前一天，遇著超強颱風天兔影響，旅社職員whatsapp通知我香港機場情況，幸好颱風沒有影響到我回港，只是遲了幾個鐘，我對專業旅運留下幾好的印像，今次旅程吾錯，沒有在網上講怎樣吾值，又貴又吾好的情況，酒店更加吾錯，好啦，旅程即將開始，第一天就遇到美麗的火燒雲日落，為我旅程展開一連五天的愉快的開始。

美麗的火燒雲日落

天氣預測有雨，又要帶晴天娃娃去旅行，今次幾天都算好天，晴天娃娃又成功啦

香港快運航空

去旅行當然要對自己好啦，要吃一頓豐富的早餐

在網上辨理登機証，打印出來就可以，寄行李好快

Marie又要一齊去旅行

沙巴郊區

沙巴外島

機場外觀

細少的機場，出入都是同一層

由此出口到入境大堂

因為行錯路才找到入境大堂，所以最後旅客走晒，只剩下.....只有兩、三條行李輸送帶

在入境大堂地下，在此可以買到當地電話咭

要換少少馬幣坐車出市區

這間找換店匯率比隔離間高

好少公共車、只好坐的士去酒店，要買票才可上的士，講出你要去的地方就會知到車費幾多,全部是統一收費

到我們住的酒店馬幣30=hk $75.00,

由機場到酒店只需要車程15分鏡鐘

到了酒店好快就可以攞到房，酒店會另 一篇詳細介紹，休息了一陣，就坐酒店shuttle bus出區，shuttle bus要預先買票，每位馬幣3.00，每隔一小時一班車，出市區大約15分鐘，分四個站上落客，回程不用收費

在市中心沿岸都可以睇到日落，當天其實沒有太陽又厚雲，但係日落就有好大驚喜，第一日就睇到如此震撼的日落，整個天空都是火燒雲，連身邊飲緊嘢的外藉遊客都不停影相，實在太靚啦

睇完日落，就行去找今晚晚飯地點大茄來海鮮飯店，七點多鐘已經全場滿座，原來這裏不設攞票等位，要企係枱邊等位，你見到食客食到一半就要企係到等位，天氣又熱坐在露天街邊食飯，網上食評都話好平好抵食，但係我就覺得吾掂，價錢吾算平，味道吾得，椒鹽瀨尿蝦肉是梅的，重要差不多$200港幣，奶油老虎蝦就幾好味,其餘味道都是麻麻

當地特式菜樹仔菜,好硬,吾好食

瀨尿蝦肉是梅

蟹好咸

這餐又貴又吾好食，價錢拍得住西貢
食完沿路行，找回上車地點，明天就要出海玩浮潛