再戰東北-鳴謝篇

今次再到東北旅行，估不到有咁多朋友給我溫馨題示，真係要再次多謝，首先要多謝大哥的意見，連係邊個方向日出及位置影日落都詳細講我知，又要多謝A君借多兩舊電給我用，咁有四舊電應該夠用冇問題啦，又要多謝E君，她剛去完雪鄉又比左好多心得及注意事項，還有J君、P君以前去過又比左好多心得我，我真係好感動架各位咁關心我，重有好幾位BLOG友剛去完雪鄉及長白山，我睇完佢哋的BLOG，知道路線及當時天氣，好有用架，睇完攪到我真想快啲去，要親身感受吓當地景色，我個心已經放左假啦，行李亦已開始執，總之就要多謝大家關心啦

南生圍

2010年1月17日晴

好耐都無去南生圍啦，數數手指起碼有五年，多年後再到景色依舊，但遊人就好多，重有好多影友拍攝雀鳥，今次專程入去是去打雀，雀有好多不過全部好遠，要影飛行中的雀鳥真係難上加難，今次不成功，只好算是練習啦，不過打雀麻麻地，但又比我見到一個好大的咸蛋王，金光影在泥灘上好金呀

 

 

 

再戰東北-茶會篇

出發前先開茶會，我有時間都盡量去聽一聽要注意的事項，由其事去

咁凍的地方，有好多嘢要問，今次這間旅社是我第一次跟佢去長線團，

之前跟過三次短線都只是一般，不過今次地方及日期出發好適合就

決定跟佢，今次團隊有十五人，之前已問旅社是十三人，哈又多

兩位團友啦，點之旅社職員同我講是識我？吓，我有熟朋友參加

點解我吾知架，我識的朋友有好多都去過雪鄉，其它朋友又去左

其它地方，究竟係邊個呢？我問旅社職員可吾可以講比我知呀，

佢話吾得呀，因為答應左個客吾可以講，等你去到機場比啲

驚喜我，最後只知道是兩位女生，我之前過一位友人同佢講過

我去雪鄉旅行，之後我又打過電話比佢，佢話吾去啦要同屋企人

一齊去短線旅行，我真係想極都吾知係邊個

加上開茶會時見到位團友，話好鍾意玩雪重要碌地瞓雪地影相添，

其它團友又講吓關於影相，好冀待快啲去旅行，

究竟比驚喜我個位朋友係邊個呢

再戰東北

等左好耐望到頸都長的假期，終於就快到啦，今年又是選擇到中國東北，好多朋友都問你上年咪去過啦，係呀,因為吾係幾好玩又影吾夠相，今年剛有團去及出發日期好適合，決定再戰東北，今年是去雪鄉及長白山，我好限去雪鄉，個到景色好似童話世界一樣的尖頂木屋，又有好多好多厚厚的白雪，長白山我又好想去睇吓天池，希望有緣見到啦，因為好多人上到山頂都未必睇到，因為好多時都大霧及大風，今年東北落左好多雪會好凍好凍，但有朋友剛去完回來講我知雪鄉吾係好多雪只是好凍，我已經有足夠的預寒裝備應該沒有問題，希望快點放假，雪鄉等我呀

晚霞

2010年2月1日

今天又見到好靚好靚的晚霞，片片白雲轉眼間轉成橙色，天空又漸漸變為又橙又藍，跟住好似火燒一樣，整個過程只有約十多分鐘，有相機在身真好，又可以將整過程拍下來，正

 

 

src='http://vlog.xuite.net/_a/MjEwOTUzOQ==&ar=1&as=1&lad=1&fmt=1&whq=0'
width='180' height='60'
/>