羊羊

2008年12月28日星期日

冬日九寨溝

今年10月已去了一次內蒙古旅行，距離不足三個月的農曆年假期，又要搵地方去，因假期有成11天咁多，數數手指我差不多已有多年沒有香港在過年，今年選擇到東北旅行，不是日本東北北海道呀，是中國的東北哈爾濱，感受吓北國風情，我常說一生人一定要到哈爾濱一次，感受吓那種冰天雪地零下十多二十度的氣溫，其實我多年前已經感受過一次啦，今次是第二次，原有打算到西藏，但因多年前試過到高原地方，自己有強烈的高山返應，真係想起都怕怕，咁只有放棄西藏吾去，又有朋友叫我去埃及，但出發日期太早吾可以請假又吾得，咁我又未去過吉林睇霧松，又未睇過太陽島雪雕，同埋最吸引是今年有迪士尼冰燈睇，我好有興趣，不過一想起要在零下十多度影相，隻手同隻腳肯定會好凍，唯有做多D保暖設施，同埋影雪景好難影，曝光補償都吾知加定減，我上年去九寨溝影雪景時，曝光補償不可以加要減，重要減好多減到1或以上，減0.3或0.7都全部爆光太白，相片出來效總是灰灰咁，用PS攪到攪吾掂，現在都要為旅行做點準備啦

九寨溝

九寨溝

九寨溝珍珠濰瀑布

峨嵋山

無情夜冷風Ruthless Cold Night Wind - Sam Hui

失望

原本安排假期的節目全部有變真係有少少失望，

25號原安排行山，因朋友家人有急病，28號和家人BBQ媽媽病了，

1號和好友BBQ都可能要取消，原本好充實的假期要全部有變，

連自己都吾舒服，一直困擾自己多年的腰痛又再發作，

但好好彩啦今年只是第二次，往年差不多會發作好多次，

咁又要見我的家庭醫生啦，

放假不能去街只好繼續寫我的網誌

2008年12月23日星期二

捨不得你

真係捨不得你，在這裏捨不得各位好友及網友留給我的說話，有鼓勵有說

笑，由最初自己對拍攝不甚感興趣，到睇到各位師兄、師姐的相片，由其是

睇到大大的夕陽照及風景照，簡直令我着迷，簡直要封佢做我偶像，我很喜

歡日落，可能我覺得日落有浪漫的感覺，這是我的致愛，當我第一次真正的

拍攝日落時，見到海上面金光閃閃，自己真係開心到不得了，每次睇到這次

的照片自己都好滿足，有時見到各位的相片拍得好好，而我又不知怎樣拍攝

會請教各位，師兄師姐給我指導，我的拍攝技巧就是這樣一次一次的請教加

上每星期的實習開始有進步啦，只不過構圖仍是我最差的一部份，不過我很

喜歡影相，現在甚麼題材我都有興趣影，forev這本相薄滿載我的相片及每次

都寫下我的感受，但這本相薄好像快要執笠，之後可能會失去各位網友的聯

絡，真係好吾捨得這幾個月建立的感情，希望2009年我會找到一本更加好用

的相薄，再次滿載我的相片

AudioTrack 17 -

2008年12月22日星期一

假期

真係好開心，未放假先興奮，今年聖誕及新年假期，好友們相約的節目差不多未停過，今晚已影了燈飾，25號去行山，26號去影蝴蝶，28號和家人BBQ，1號和好友們BBQ，這兩天都懷著愉快的心情工作，咁24號平安夜便要靜靜在家裏，享受一個寧靜的平安夜，希望假期快些來臨

2008年12月20日星期六

鬧劇一場

只是13天時間，由分手再到結婚，簡直是鬧劇一場，全部人都在責罵倪震怎様不好，周慧敏小姐分手是應該做的行動，竟然爆出他們結婚？周小姐妳是否沒有倪震這個男人便過不了下半生呢？妳有美貎又有事業，足以養活自己不用靠他，他做出咁多對妳不忠的行為，妳仍然作出這決定，我想妳一定是非常之深愛倪震，無論他做出咁多傷害妳的事，都可以原諒他，一紙婚約可以令他收心養性，做個有責任的丈夫？我覺得妳太傻啦，莫非愛情真是盲目

2008年12月17日星期三

負心的人

最近全城熱話是周慧敏小姐和倪震先生分手的事，周小姐和倪震已拍拖已約二十年，可算已將一個女人一生最光輝的歲月全都給了倪震，但倪震在咁多年內已發生過無數次偷食事件，每次周慧敏小姐都可以原諒他，究竟倪震有冇想過咁會傷害周小姐？重覆又重覆發生偷食事件，是否一個女人深愛一個男人，就可以容忍佢做出此些事情而又可以原諒他？如果換轉是我真係不可以，一次不忠百次不容，一次都不可以，我不可以容忍我的男人做出背叛我的事，我想倪震今次真係做錯得好離譜，周小姐才決定和他分手，但分手未嘗是錯事，周小姐需然將青春歲月全都給了倪震，但女人四十又有另外成熟美，眼見劉嘉玲小姐、李嘉欣小姐，不是找到另一半嗎？希望周慧敏小姐可以忘掉這個天下間最吾好負心的人倪震。