再戰東北-長白山西坡

2010年2月18日晴

坐左幾個小時車到了長白山西坡已經天黑，又落緊雪，今晚住宿的酒店好有外國渡假FEEL，酒店樓高約三層，但屋頂全是尖頂好靚，在此休息一晚就進入景區，在長白山景區要轉坐景區車出入，因為早入去又冇人好快就到轉車站，今次要轉坐雪上電單車，車行得好快好刺激，又大風啲雪打到塊面好痛，話咁快就到左終點站，我們要行約1200梯級才可上到山頂，噢﹗點解吾見左啲梯級去左邊原來上山條路比雪遮住，我們只好跟住前行的腳印走，上山路好滑我已經用了冰爪只有少少幫助，上山容易落山難，行左一半左右，因沒有時間我們只好落山啦，落山時不是行落去，是坐係雪地滑落去，但因衝力都幾快，要滑到咁上吓停一停，咁樣滑個PAT PAT都有啲痛架，就係咁我們不知玩得幾開心，又忙於影相，原來我們個個塊面都有好多雪花，髮邊又有雪好似突然多左好多白頭髮咁落到平地又玩埋瞓雪，因時間緊迫又要趕到錦江大峽谷遊覽，之後又要坐車趕到最後一個景點輝南住宿

因為太厚雪，要開了一條路才可上山

條雪路初段有成個人咁高

啲雪厚到連梯級都睇吾到，紅色旗兩邊是斜坡，行中間才安全

團友拍拍攝一張再創高峰相，為左似啲我們就不停咁用雪抛向他的頭及身，咁才似好辛苦咁行到上山頂

山頂

團友在山頂上要換電，只好找唯一可遮風的地方

避寒中心

好有經驗的領隊SAM NG

錦江大峽谷

往輝南途中的日落

往輝南途中的日落

住宿酒店藍景戴斯酒店