再探鳯園

話咁快鳯園第二輯相又攪好啦，今次影到好幾張飛行中的蝴蝶，不過快門吾夠快只影到有動感，而欠缺了清楚的一點，即是吾清楚啦，吾緊要遲些有時間再去影過

 

 

復活節假期

最近要在網上搜尋一個地方，竟然比我搵到一位和我參加同一間旅行社，同一日出發及去同一個地點，我們竟然同團，真係未出發先認識團友，真係第一次，不過今次好似有約60人共分A、B團，咁多人睇怕見到面都有D困難啦，何況大家真係素未謀面架，之前農曆年不快的經歷，另我對出面的旅行社有點怕，今次目的地梅州客家圍龍屋、福建平和土樓群 霞寨、瀘溪、饒平梯田春耕灌水攝影四天之旅，我對這間旅行社好有信心，以前都跟過好多次，我還第一次睇梯田，有日落日出影，好冀望快D去

初探鳯園

第一次到鳯園拍攝昆蟲，實在令我大開眼界，蝴蝶品種十分多，所有昆蟲在鏡頭下是十分可愛，我想我已經愛上微距拍攝啦，連續兩天假期走去鳯園拍攝，影到吾停得手，吾好比佢停，好快就有第二輯相可以上載啦。

                     

                     

                      

 

同病相憐

最近和我好友A君通電相約一齊去影相，得知她和我一樣要做針炙，她亦和我一樣由東北回來後就病到現在，她坐又吾得，行又吾可以太耐，還要卧床休息，我已經比她好好啦，起碼我行得走得，只是常有點痛，但有時自己貪玩不想呆在家中休息要出外走走，醫生話每人每天要行一萬步才好，咁我選擇去影相當做運動，自己的心情亦隨着天氣好轉，可能是情緒問題卦，我希望我的好友A君快點好，我今年等著她和我一齊去影相架，A君要加油呀 ^_^

針炙

今天嘗試另一種治療針灸，平時最怕打針同驗血的我，見到針已經有 點怕，今次還要將支針吉落自己度驚驚呀，見到治療師後知道只吉2支針， 應該吾會好痛掛，點之落針時好痛呀，還要等十五分鐘，在這十五分鐘真 係過得好長呀， 終於可以將針拿走，以為可以鬆一口氣，點之治療師話好 戲在後頭，何解啦 ？ 他之後和我傾談，突然間痛到不得了，他還笑說你想冇咁痛可以耐點時間 睇，但想要快點好就要忍痛，無論你唱歌、自言自語或大聲叫都好，都是 可以舒緩你的痛楚的，治療師還送上紙巾給我，又和我傾計以分散注意 力，但真係痛到眼淚直流，好痛呀，但我應該要相信他，少少痛楚等於 激勵，我要加油

 

 

 

愛情有了殘缺，才覺得美麗

剛剛睇到葉青霖先生一篇網誌，非常之感動，兩人都對方有意思，但大家從未表示，在一次旅程當中共渡生死，一次分別已知再沒有機會再見，大家都盡力為對方留下點點關懷，

隊長發現女人的時候，她早已經僵硬的手中，緊緊握著一張小紙條：『我肯定撐不到他回來了。別告訴他，他該有自己的生活。』

當自己睇到最後時才知結果，自己的眼淚已不停地流下，為何呢？為着心愛的人而段送自己的生命，可否再給他們多一點時間呢？

愛情之所以美麗…是因為殘缺吧!人們怎麼都不了解愛情的可貴，非得有了殘缺，才覺得值得珍惜呢？

原文請大家到葉青霖先生下列網址

愛情有了殘缺，才覺得美麗

http://hk.myblog.yahoo.com/alain-yip/article?mid=7995

木棉(三)

這期全城熱拍主角當然是木棉花啦，最近我公司熱門拍攝地點黃竹坑天橋，有時間又要走去影一影，真係吾好比佢停，來緊還有一輯柴灣木棉，希望各位吾好睇到悶啦

 

隻雀好似要人咀咀咁

終於比我影到拍翼啦

      連飛雀都影到，哈哈

 

感謝

實在要感謝各位BLOG友的支持及鼓勵，早前在BLOG寫上心底話關於自己的病情，收到各位一個一個的留言及慰問，實在好感動，人生在世最寶貴是健康，如沒有健康的身體，是其麼都不成的，在往後生活仍是要繼續，醫生繼續睇、藥要繼續食、相仍會繼續影，只要自己可以放開一點是沒有問題的，希望各位網友都要身體健康

病魔先生

病魔先生你可否離我而去呢？為何你對我不離不棄，請你不要常來探我，需然你已經和我有深厚感情，但我每一天都不想見到你啊，2008年你不是已經遠行嗎？為何你今年又要常來探我，最近見到好靚的藍天，希望你可以再去更遠的地方，玩得耐一點不要咁快回來呀