今天是最後一天的旅程，早上安排到明長城遺址及西夏王陵參觀，行程只是一般，午飯時各團友都忙著寫下email作為日後聯絡之用，8天行程話咁快就玩完，回想多天裏睇到咁多咁靚的胡楊及睇到咁多個日出及日落，每天都見到陽光普照，心情都特別靚D，天氣又吾係幾凍，成個旅程真係順順利利，和各團友相處都幾愉快及玩得好開心，旅程上有些事還值得細心回味，總之秋天可以去旅行已經好滿足啦
2008年12月13日星期六
2008-10-19 內蒙古、額濟納旗 第八天( 完 )
2008-10-18 內蒙古、額濟納旗 第七天
天未光又要準備好影日出的行裝天氣好凍， 地點紅敦子峽谷影日出，但峽谷
太深沒有地方上到高地，改去另一峽谷影日出，我跟著團友們一起慢慢上到
一高地，不過前景峽谷太過平坦，唯有再轉過方向影啦，今早好凍冇辦法
為了影相都要忍受，太陽還未出來週邊已有紅霞，當太陽初升那種光芒
真係難以形容，總之好靚啦，之後小雲在地上找些甚麼似的，原來是發現
到發菜呀，我都係第一次見到發菜的真身，真係難得一見，之後回到車上
享用早餐，有麵包及朱古力醬好好味，再加上一杯熱咖啡我覺得
真是太好味啦
好快去就要去紅敦子峽谷，在途中竟然見到一大群羊，我們團友一起落車
去影羊啦，我和部份團友離開大隊，走入小山中和羊群近距離接觸，
在小山上見到羊群走呀走，重有D羊會不停地打交添，後來我和幾位團友
再走入小坑內再和羊群有更近距離，前面重有小草遮住我們吾好比D羊
見到我地，此時我覺得自己真係好似戰地記者一樣咁去影相架，
經過一輪終於大家都有滿意的收穫，最後我重影到個牧羊姑娘，
她的笑容笑得非常之愉快及甜美，紅敦子峽谷兩邊山都很高及直，
泥土全是赤紅色加上陽光照射顯得特別紅，天空上全是藍天，在此逛
逛拍拍好快又到中午，食過午飯後又要趕車程，話咁快天黑就到了目的地
阿拉善左旗，早前小雲和我們商量決定今晚晚餐退回每人三十元，
咁我們的晚餐就可以各自搵食，一定要試下當地特式風味餐，
我和團友們選定了一間小餐廳，有客人入到小餐廳老闆話吾做生意啦，
緊係啦我們十個人好似包左成間餐廳咁，老闆都不知幾咁開心招呼我們，
叫了好多樣食物不知幾好味，都不過每人約二十蚊都吾使好抵呀，
今天是旅程最後一天，明天就要返香港，各團友都盡情一番，
回到酒店就要收拾所有行裝，真係有d吾捨得咁快又玩完。
2008年12月6日星期六
2008年12月5日星期五
2008年12月3日星期三
2008-10-17 內蒙古、額濟納旗 第六天
天還未光便要準備行裝，因要坐吉普車深入沙漠，又不知路況如何我決定不食早餐以免嘔，我們的車隊共有9部車，先找到8號車和司機打個招呼，跟住我們的車隊便浩浩蕩蕩出發，LET’S GO ，路上沒有其它車輛，司機們便在公路上超速行使，以時速120公里向著巴丹吉林沙漠進發，進入沙漠前要為車胎放氣才可行走，
吉普車在高低不平的沙上行走，又上高落低好似過山車一樣好激呀，當我差點要嘔時，就到了睇日出的地點，因前面有一沙山，我們必需要在高一點位置才可以影日出，但因我怕高而選擇了在高少少位置坐下來影日出，太陽未出時天空上出現點點紅霞，跟住天上出現了片片黑雲，今天日出吾靚啦，之後見到團友們陸續上到沙山高處玩，好似好開心咁，她們不停叫我上去，咁我就又要人拉又要爬才可以上到去，原來在沙上行走非常之難行，真係行三步退兩步，
好彩我都上到去，望落去真係好高架，我重真係有D驚驚掭，我們團友繼續再上高D，在此各團友們擺定甫士影靚相啦，好可惜天氣開始轉差重落雨？在沙漠竟然比我遇到落雨又大風，又可以吾可以再去遠D，只好在週邊行行，迫於無奈我們只好提早食午餐，餐廳只有我們一團人非常之冷清，團友們便將自己的老婆(相機)一一拿出來清理沙塵，
就在窗外我見到有點點陽光及藍天，各人都非常之高興快D可以去影相啦，就在此時司機們不肯再走遠D，要我們留下今朝睇日出的地點，我們已在週邊行行，希望可以再去遠點地方睇下其它湖泊，最終由領隊和司機呀頭傾好，每部車給多20元小費，OK，點之有部份司機不肯去要再加多點小費，我們吾以可再比多，肯去的司機又不載多D人，只好有些肯去的司機走多轉收多少20元，最後我們去到幾個湖泊行行拍拍，不知怎樣雨後的陽光特別曬，成個天都特別藍，又勁多白雲好靚好靚，我在此拍到好多藍天與白雲倒影，我來到內蒙古幾天都未過咁靚的白雲，好玩的時光總是過得特別快，又要趕回程啦，就在不遠處大家都停下來拍拍照，原來見到耶穌光，我今次見到重影到耶蘇光真係好彩，在此大家團友不停地玩，明明是小斜沙地，竟然扮到好斜好難行咁，重要手拉手一齊扮，今天在巴丹吉林沙漠大家真係玩得好開心，回到酒店又要為我寶貝清潔啦，佢今日都食左吾小沙，及又要準備明早到紅敦子峽谷睇日出
巴丹吉林沙漠日出
我們的車隊好似玩具車
好靚的耶穌光
訂閱：
文章 (Atom)