2011年7月24日晴天
難得好天氣決定到天際100，在全港最高樓看看日落及夜景，預早24小時
在網上訂票可以有優惠，成人$125.00，老人$90.00，逢星期三還優惠港人
買一送一，即是$150兩位，平均是$75.00每人，我覺得更加抵，一行五人
食完自助餐就到約定時間到達，電梯非常穏定，約一分鐘就到達100樓，
當時不是太多遊人，可以慢慢逛逛，在咁高可以望到好遠的地方，需然
有少少煙霞，但能見到仍相當不錯，不過係到影相 就好麻煩，好似同反光
玩遊戲一樣，反光非常之嚴重，由其是晚上，好在搵到個比較好位，可以
將反光減到約7-8成，位置是每一邊都有一條柱位，每條柱位後面和玻璃有
約2-3呎距離，可以放到腳架及企到約2-3人，夜景的相全是在這個位置拍攝
，香港的迷人夜色真是美麗，我十分推薦各位晚上到此看夜景
，我由四點半留到接近九點才走，連同行的家人都要走啦，因為吾影相，
留左約一個鐘多少少就走左，影左好多相要分開三輯才可上載完﹗
噢 , 景觀真係好開揚 , 第二度都影唔到呀 .
回覆刪除[版主回覆08/03/2011 21:02:00]無錯非常之開揚，日景吾錯，不過夜景更加不錯﹗
妳在 ICC 拍攝的?
回覆刪除[版主回覆08/03/2011 23:56:00]無錯,是全香港最高樓，景觀一流﹗
自助餐又唔算貴喎！
回覆刪除加CPL會唔會減少反光呢？
妳啲相影得好清呀！
[版主回覆08/04/2011 10:17:00]$125.00只是入場門票，其麼都不包呀，天際100內有小食店及精品店架，我們影相留低幾個鐘就比較抵，好多人都只是留一個鐘，話一個鐘已經足夠，我是在帝苑酒店食自助餐，約$270右左，有好多豐富食物，個日食完自助餐去到天際100，我要企係到好耐，當如消化個日的午餐
有無好似澳門塔有 D 透明地板望落去架 ???
回覆刪除[版主回覆08/05/2011 00:32:00]係上面無嘢玩，純觀光﹗
嘩！影得好靚！好似 postcard 一樣！
回覆刪除[版主回覆08/05/2011 00:33:00]樣辦相，個個上到去都是去這幾個位影﹗
日景都咁靚，相信夜景一定無得＂彈＂！ 好期待啊！
回覆刪除[版主回覆08/05/2011 13:43:00]開版張大相就在SKY 100拍攝,要上載SKY 100日落相先﹗
名副其實的石屎森林啦!
回覆刪除[版主回覆08/05/2011 13:41:00]上到去才可以咁近距離睇到啲樓咁密,不過夜景真係靚到不得了﹗
$150兩位, 都ok wor
回覆刪除[版主回覆08/05/2011 13:40:00]OK架,可惜是閒日才會有此優惠,快啲同B嫂上去啦
咁高望落去, d 樓一支支"洞"係度, 十足十港式石林 張家界.
回覆刪除[版主回覆08/05/2011 13:38:00]比你笑C我啦,港版石林張家界
睇得太平山山頂多，從另一角度又有新的觀感！ 平過75蚊都係太貴啦.....如果可以廿卅蚊就好嘞！... 政府唔應該資助學童遊學團，應該資助我哩啲中年人留港消費嘛...
回覆刪除[版主回覆08/05/2011 13:35:00]我都吾讚成政府資助學童遊學團，跟本就無謂，遊學咪等大個左才去，無又不是吾得架，都是虛榮心，咁你可以跟屋村一日遊,現全日有食,有睇都只不過二百元，好過你獨睇要$125.00
Bon Bon果然多 "loan 路" 又識嘆，豪住澳門又天際
回覆刪除[版主回覆08/05/2011 12:09:00]我邊識"loan 路"呀,是家人話要去咪一齊去囉,又早前見到朋友相,嘩,影到鬼咁靚,心思思就上去啦,我覺得好值得去,由其是夜景真係靚到不得了﹗
150 抵喎! 睇吓先
回覆刪除[版主回覆08/06/2011 12:16:00]大部份人都話吾抵呀，我就覺得可以接受， 因為景色真係和平時係山頂睇吾同架，由其是天朗氣清，好遠都睇到，夜景更加靚到不得了 非常之美﹗
最港最高地方的視角真係超正啊
回覆刪除[版主回覆08/08/2011 16:19:00]個景真是不錯,搵日好天氣上去影啦
拍得好好啊﹐夜景大相都正啊﹐係唔係俾放腳架? 食焦有冇話唔俾用呢?
回覆刪除[版主回覆08/08/2011 13:42:00]我就是早前睇有朋友相，朋友告之是可以用腳架，實在太好啦,，咪搵一日好好天色就上去影，食焦吾會話架，只會話比你知吾好坐地下，因為觀景台四邊都有約一呎高一呎濶台，所以開腳架通常只開兩截就可以，我就是見到有影右開一截腳架，然後坐地下影相.
Bon Bon 你是否在日間等到日菬才離開。 TMY
回覆刪除[版主回覆08/08/2011 16:29:00]TMY,
我由四點半影到約九點才離開,日景、日落及夜景都拍攝，所以$125.00留咁多時間,我覺得好抵呀,又可涼住冷氣影相.不辛苦,好爽呀
BON BON
Bon Bon 你由四時至九時，好長時間，好彩有自助餐吃。 TMY
回覆刪除[版主回覆08/07/2011 14:02:00]TMY, $125.00只是入場門票，其麼都不包呀，天際100內有小食店及精品店架，我們影相留低幾個鐘就比較抵，好多人都只是留一個鐘，話一個鐘已經足夠，我是在帝苑酒店食自助餐，約$270右左，有好多豐富食物，個日食完自助餐去到天際100，我要企係到好耐，當如消化個日的午餐 BON BON
好靚 , 我都好想去, 不過未有時間...
回覆刪除[版主回覆08/12/2011 14:12:00]等有時間又要搵日好天才上去呀﹗