食食吓飯入醫院

食食吓飯好似比嘢骾親係喉嚨，又有反胃感覺，竟然嘔左血，

對住塊鏡睇點解會成口血架個喉嚨好似比嘢骾住，即刻飯都吾

食去睇急症，去到急症室有好多人排緊，好快就見到護士，

護士見我此情況評為半緊急，好快約半小時後見醫生及照X光，

X光照吾到我喉嚨有異物，但因為我有嘔血出現，驚有其它內出血，

要留院一晚明天做內窺鏡檢查因要做內窺檢吾可以食嘢及飲水，

要吊鹽水要插針在手背上好吾舒服呀在漫長夜晚真係瞓得吾好，

成晚有姑娘同你量血壓，第二朝要等到十點多鐘才去做檢查，

未做前我好驚，因我好怕痛架，又聽到做檢查好辛苦，終於要入房做啦，

見到醫生及護士，護士同我講要注意事項，會有少少痛，

先要噴點麻醉藥在喉嚨，跟住要咬住個膠，等內視鏡可以由此慢慢

放入口內直到胃部，護士又用布遮住我雙眼，

可能是用來沫走我啲眼淚才真，我只聽到護士及醫生講

你真叻女做得好好，中途我覺得想嘔及反胃，好快就做完啦，

比我預其中無咁辛苦，但都覺辛苦架，自己都頂得住，

報告出來是喉嚨沒有骨，只是有損傷，胃部沒有出血，

現懷疑是有一啲鋒利的冰....整損喉嚨