2010花展

2010年3月21日星期日晴天

花展是每年都吸引數以十萬人到來參觀及拍攝，今年我又入去影影，主打花富貴菊，有啲朋友話吾靚，而我就覺得都吾係呀，只是普通左啲，不過啲花咁細朵好難影，影出來一團團好難睇，要影大特寫，今次又迷上影蜜蜂，重比我發現到蜜蜂身上有好多有腳的微生物，放大張相睇異常之恐怖及核突，有朋友講是蚜蟲，後來經朋友上網搵資料如下︰蜂蟹蟎-簡稱蜂蟎，俗稱蜂蝨，寄生於蜜蜂體表面，從蜜蜂表皮較薄的腹部節間膜刺吸蜜蜂體液為生。蜜蜂因此失血衰弱，輕者畸形缺翅或缺腳，重則喪命！

這件蜜蜂事年連東方日報都有報導，因為有好多影友及參觀者發現，驚此微生物對人類會否有影響，今次上下午都有入去，上午多人都還可以搵到啲冇人位置慢慢影，但下午再入去就人山人海，插針都插吾落重人迫人，重有好多遮陣因為實在太矖啦，咁我同朋友決定了一個地方影相，兩個人坐係地下SET好腳架，又長鏡又微距鏡係咁等，啲人行過都會望吓我地兩個影因為要在兩條欄杆中間位伸支鏡對好位，咁我地兩個人又要坐到彎晒腰才可以影到，一見隻蜜蜂入鏡就係咁影啦，因為隻蜜蜂成身都好似比光包圍住咁有光邊，不過等左好耐都好少蜜蜂飛入來，又因為突然天氣有變，竟然有好多霧飄入維園，又突然冇左太陽咁各位就在此情況下結束今年的花展拍攝