2009年12月18日星期五

攝影

最近只會帶着咭片機去影相，我都好耐冇帶我的單反去拍攝，不知怎樣以前一機兩鏡加架腳去好遠影相都吾覺好倦，現在只帶一機一鏡都覺好重，吾通我的拍攝蜜月期已過，這個蜜月期都維持了有一年半有多，加上幾次拍攝活動自己又吾投入又影得吾好，和朋友們好似好遠的距離，每次到拍攝地點時就各有各散，好像自己一人去影相一樣感到孤單寂寞，現在去太遠的地方影相，如沒有伴我是不會去的，除了大浪灣例外，因為大浪灣離我家好近，四十分鐘左右就去到，在這裏可以吹吹風睇到滑浪好舒服，我不想放棄仍會繼續拍攝，相信咭片機暫時會是我的好良伴，希望2010年更加努力


 



 


發佈者： 於

16 則留言:

  1. 夢中人2009年12月19日 下午12:21

    咭片機也可以拍到好圖片，最近我也買了部九百幾的 DC 仔！
    [版主回覆12/19/2009 13:18:00]最近我都買左份DC機仔做我的生日禮物，所以會帶住佢四圍去，見到得意又影又可以拍片，好好玩呀

    回覆刪除
  2. marypdan2009年12月19日 下午12:52

    哈...我機仔都唔帶, 我用手機影, 貪方便!
    [版主回覆12/19/2009 13:20:00]我部手機影相好差架，咪用DC機仔影，我早兩日去左工展會，買左你介紹的韓國咖啡

    回覆刪除
  3. 叻叻2009年12月19日 下午1:39

    其實用什麼機不重要, 最重要係心景呢!
    咭片機好呀.....又輕又可隨身影!
     
    [版主回覆12/19/2009 13:44:00]心態有點不同啦，最近我都買左份DC機仔做我的生日禮物，所以會帶住佢四圍去，見到得意又影又可以拍片，好好玩呀

    回覆刪除
  4. 叻叻2009年12月19日 下午2:08

    YES ,心態真的時時變,現在我都好少同D 影友出去影相啦....食嘢就多!
    [版主回覆12/19/2009 15:56:00]我最近都有和朋友影過相，但好似無甚話題，食嘢更加無啦，

    回覆刪除
  5. 3M2009年12月19日 下午5:40

    既然有生曰禮物,就帶佢多多出街影相啦
    [版主回覆12/20/2009 00:27:00]我最近影左好多商場的聖誕燈飾，全部用DC機仔影真係好方便

    回覆刪除
  6. 貓B2009年12月19日 下午9:35

    咭片機幾好 ka, 我e家都成日用 
    [版主回覆12/20/2009 00:32:00]我最近影左好多商場的聖誕燈飾，全部用DC機仔影真係好方便 又可以拍片好好玩

    回覆刪除
  7. ksze2009年12月19日 下午10:11

    BonBon,
    其實有時都這種感覺，用DC仔輕鬆自在，攝影的情緒可能較好，影相可以多些心思變化呢！
    Ksze
    [版主回覆12/20/2009 00:37:00]用DC機仔拍需然好方便，但自己又以冇心機影，亂咁影好似玩，但可以拍片真係好好玩 我上次一天遊係旅遊車上影左短片，回家睇都可以回味當時開心情形，好鬼C開心

    回覆刪除
  8. Chris2009年12月20日 上午1:53

    應該係因為近排天色唔好啫, 遲D見番藍天白雲, 我相信 Bon Bon 一定會即刻推出佳作
    [版主回覆12/20/2009 11:17:00]其實我好喜歡拍攝日落，已經有幾個月無影過，可以有啲自己好鍾意拍攝的題材，心情一定會更加好

    回覆刪除
  9. TMY2009年12月20日 下午3:29

    Bon Bon
    唔好停用單反呀 ! 單反機多提煉力和熟練，唔係無力兼不習慣用啦 ! DC 仔實在太吸引了，如果一人留港去很容易沒有動力，不如外遊吧 ! 繼續拍靚相給我們分享啦 ! 為你打打氣 !
    TMY
    [版主回覆12/20/2009 18:52:00]TMY
    最近常拍攝好多商場聖誕裝飾，可能是即興只有DC機仔在身就成日係咁影，真係好方便，不過抇攝某類題材如打雀就一定要帶單反才可以影到，旅行我一定帶單反，DC機仔反而是後備，我都好想去旅行呀 ，最快都要過年才可以去 多謝你為我打氣
    BON BON

    回覆刪除
  10. 老餅餅2009年12月21日 上午10:00

    咭片雞都可以影到靚相啫，唔一定要單眼雞！ 咁啱，我隻乸都買咗部咭片雞比我做生日禮物，哩排都多數用佢！ 我聖誕後放大假，新年後才返工，又可以影到嘔電嘞！哈哈哈.....
    [版主回覆12/21/2009 12:43:00]PIN哥你收到呀嫂的送比你的生日禮物，咁你是人馬座定山羊座 都要同你講聲生日快樂， 放咁多日假真happy，影到嘔電咪算減肥囉

    回覆刪除
  11. 老餅餅2009年12月21日 下午12:58

    Bonnie, 多謝晒！.... 我係山羊座架，好多講法，有啲又稱摩羯座.....我都搞唔清！ ....最衰放極假都影唔死部40D....
    [版主回覆12/21/2009 13:22:00]部40D吾死，不如你借比我影啲速度相，我去大浪灣影轉滑浪，又連環拍攝咁實好快C

    回覆刪除
  12. 小埃2009年12月21日 下午9:55

    dc 又好, dslr 又好, 只要你自己鍾意咪好囉, 唔需要太執著.
    [版主回覆12/21/2009 22:13:00]依家鐘意玩DC，實在太方又吾重，我成日都帶住佢架

    回覆刪除
  13. 老餅餅2009年12月22日 下午12:54

    到時唔係佢C係我C...
    [版主回覆12/22/2009 14:02:00]你咁大隻攞一機三鏡+腳架都好掂，不過依家玩輕便，DC機就最合大家口味啦

    回覆刪除
  14. 悠遊2009年12月22日 下午1:39

    我都觉得背器材很重哦.
    [版主回覆12/22/2009 14:04:00]平時以輕便DC為主 ，重器材留待去旅行是用呀

    回覆刪除
  15. 口。米2009年12月22日 下午2:29

    hehee~~除了我沒有咭片機外, 其他心態都大致一樣.  有時我仲因太忙太累都沒有起勁去拍照呢! 2010年我都要加油先得.
    [版主回覆12/22/2009 14:37:00]都可能大家身心有點疲累，所以不會攞重器材去拍攝 依家手機影相都好靚架，咭片機款式又多甚麼功能都有，真係個個人都有一部傍身 2010年大家都要加油呀

    回覆刪除
  16. Dick2009年12月23日 下午10:03

    我次次都重裝備.貪佢有型兼做埋健身! 唔好想咁多要影就影!影相是減輕壓力而不是增加壓力!只要有靚相什麼都可以.加油!聖誕快樂!
    [版主回覆12/23/2009 23:10:00]係啦吾好比自己壓力，鍾意影就影多啲，SAM SIR話咭片機都可以影到好相架，我會加油努力，多謝你來支持，希望你過一個愉快的聖誕假期

    回覆刪除

訂閱： 發佈留言 (Atom)