開BLOG一週年

好開心自己BLOG已經快要一歲，但點解要開BLOG是因為夢中人啦，因為他得到攝影比賽獎，咁開左BLOG才可留言，其實我和夢中人早在網站forev已認識，但這個網站已經不經營，怎樣放相呢，咁咪開始了我寫BLOG的習慣，又可以將相上載到blog內和各位分享，過往一年內由好少人留言，到現在多左好多位朋友留言，令到我個BLOG充滿人氣不用拍烏蠅，在這一年內還認識了好多BLOG友，有時自己心情吾好，又得到各位開解和鼓勵，自己實在感到欣喜，希望個BLOG可以繼續寫下去，繼續和各位分享我的生活點滴

曖昧關係

昨天坐港鐵回家，在車廂內見到一對年青男女，他們態度親密，女方成個身驅埃在男方胸口，男方又用力擁抱她，睇真啲原來兩位都是女生，天啊﹗點解咁架兩個女生竟然在如此公眾地方做這些親密行為，如果兩位是正常男女都算是情到濃時，但點解依家會將兩性身份對調，不過現今真係好多同性愛好者，兩位是女生我還勉強拉接受，但兩位都是男生就............

咳個不停

最初只是少少咳，睇了西醫食了藥竟然昏昏欲睡不能集中精神工作，改為睇中醫，起碼冇西藥咁散，點之飲左中藥後咳多左，重咳個不停連晚上都咳，整天都不停咳真是辛苦，又要改為睇西醫，原來是氣管炎，希望快點好番，來緊咁多假期有好多節目，已安排影巡遊、睇相展、影煙花、影舞火龍，重頭節目當然是中秋去露營+影日出，希望快點好起碼咳少點就好啦，如果未好就邊度都吾使去啦

快活谷夜馬

2009年9月16日星期三

首次拍攝夜馬，戰戰兢兢地入到快活谷，睇吓有冇影友先，

有不過好少人影呀，馬場內竟然有兩個情景出現，一邊是馬迷個個敍精會神地睇馬經買邊隻，一邊是有如嘉年華會一樣個個拿住啤酒把酒歡娛，聽住節拍強勁的音樂，氣氛非常之熱鬧，我亦都感受到好開心的氣氛

 

 

 

 

 

 

 

 

 

 

 

 

 

 

 

 

 

 

 

 

 

 

 

 

   

劉翔加油

剛剛在電視上睇到劉翔比賽的情況，我實在感到欣喜，他終於可以走出自已的陰影，再次踏上跑道，在這一年當中他應該丞受了好多壓力，現在可以再次睇到他的跑姿，劉翔加油呀

文武廟

2009年8月30日晴氣溫悶熱

又是拍攝文武廟神光的好時間，又臨近開學辛辛學子又要為開學準備，家長們為了子女，都會去廟宇祈求子女們讀書有好成績，文武廟又再熱鬧起來，實有好多人去拜神啦，我去到時好失望一點光都沒有，只好在廟內拍拍小品，正想走時竟然見到土樓的團友，和她傾談近況又比我見到影會師兄，好﹗又入去走走，點之神光初現實在令我驚喜，加上師兄不停叫遊客給他拍照，就係咁外國人及日本人就成為我們的磨豆啦