2008年11月29日星期六

2008-10-16 內蒙古、額濟納旗 第五天

由額濟納旗到阿拉善右旗,車程要一整天,因沿途沒有飯店我們今天午餐安排在車上食杯麵,離開額濟納旗約一小時車程,路邊有一胡楊林,我們又可以再次拍照,之後的車程我們要收起所有攝影器材,因要經過火箭發射基地,沿路是禁區範圍,車行走了差不多兩個小時,不遠處有一胡楊林,已離開了禁區又可以走去影相啦,今次的胡楊林離開路邊很遠,要行成十五鐘才到,這片胡楊林是生長在沙漠邊沿位置,樹不是很多,在此又逛逛拍拍又要趕路啦,好似見到有個小鎮有飯店,我們和小雲商量不如在此各自找飯店食飯,吾好食杯麵,OK,咁我們三號枱搵到一間小飯店開餐啦,叫了大盤雞、又試過姜啤、果啤、嘩﹗大盤雞足足有兩大盤、再加上哈密瓜,我們十個人又可以全部食晒,每人只需要十八蚊左右,好抵呀,之後要趕路,各團友又要找睡魔傾計啦,沿路全是戈壁真係想搵多D人都冇,只有我們團隊最多人氣,我們在路邊見到有駱駝,今次一定要影佢,全部人深入戈壁灘影駱駝,其中有一隻駱駝都吾驚人,重行最尾比我地影,用支300MM都影到好大隻添,之後要趕回酒店,在路上見到一個好靚好靚的日落,回到酒店我們要早D休息,明天要坐吉普車深入巴丹吉林沙漠睇日出


 







 





 


 


 


2008年11月28日星期五

禮物

收到一份早來的禮物,一支Nikon AF-S DX NIKKOR 18-105mm F3.5-5.6G ED VR鏡頭,之前個支Sigma 17-70mm F2.8-4.5 DC MACRO HSM,影人好青影景還可以,最吾好是曝光補償總是要減1或以上,初時只知減0.3相片爆光,有時陽光太猛烈更要減1.7,要成日試影多幾張相好煩,所以一收到支新鏡就入去蕉坑試試,先講段焦有成105MM比之前70MM又遠左,支鏡又有防手震,最適合我手吾定的人用,最好是曝光補償只減少少或加少少,不過光圈沒有2.8及微距,吾緊要啦等我真係有興趣影微距才買微距鏡。


 



 





 


 


2008年11月26日星期三

織冷衫

最近幾天在巴士及地鐵上見到有好多女仕織冷衫,我以前都好鍾意架,不過依家天氣都吾凍,真係織左都冇機會著,見到人織冷衫又另我想起多年前的事,我以前曾織過一件冷衫送給我一位朋友做生日禮物,我真係當佢係我細妹咁,但後來我才知她由始至終,都當我是她一位好普通好普通的朋友,原來你對人好人地未必會領你情,不過我認為自己真心待人,始終會有人會認同的,我這位朋友可能現在已忘記我啦,因她已有了自己的家,不過我和她曾有過一段好開心的回憶。


2008年11月24日星期一

藍天與白雲

            從公司窗外遠望見到咁靚的藍天與白雲,


          又忍不住攞部手機影吓啦,實在太靚啦



 





2008年11月23日星期日

2008-12-15 內蒙古、額濟納旗 第四天

因今天睇日出地點比較近,還可以食埋個早餐才出發,地點是酒店對面的一間小店,需然只有一隻蛋及一碗牛肉麵,但麵質 彈牙,湯底清甜都幾好味,今天早餐吾錯吾錯,由酒店到胡楊林只需要約半小時車程便到,我們在一個沙丘上等日出啦,太陽又從地平線上升起,但只有小小雲彩,今天日出只是一般,跟住是今次旅程的重點拍攝胡楊,從一至七道橋各個胡楊林都有特色,其中二道橋及四道橋的胡楊林最靚,在平靜的小河上映照胡楊樹的倒影,如一幅畫一樣十分美麗,我還覺得藍天白雲再加上金黃色的胡楊樹實在太靚,見到咁靚的美景,在逛逛拍拍不知怎樣時間過得特別快,在胡楊林內微風俏俏地將樹葉吹倒,滿地黃葉襯上高大的樹影又是一幅美麗的圖畫呀,我們已整天在不同地點拍攝胡楊,有部份團友已提不起勁去影,而我還十分起勁地拍,還覺得不夠時間添,在七道橋拍攝完胡楊後,我便帶著依依不捨的心情和胡楊講再見啦,因明天要離開額濟納旗再見不到胡楊啦,今天我們又再次到八道橋影日落,今次可以行上沙丘上影日落,不過在沙上面行走比較難行及自己有尉高,當行到高處真係有D驚,我們團隊沒有安排駝隊給我們拍照,因沙漠+日落+駱駝好似是指定動作,前天我們到來還有數隻駱駝可以租給客人拍照,今天已經搬走啦,因過多一個星期胡楊樹就會落葉,咁意味着今年的秋天已完,他們便要提早休息,今天的日落又麻麻地,及沒有駱駝做前景,咁我和部份團友便做人肉駱駝給其他團友拍照啦,明天要離開額濟納旗趕到阿拉善盟右旗,要差不多一整天車程,因沒有地方用餐,我們便和小雲買定明天團隊的午餐方便麵及哈蜜瓜等等,今晚飯後果仍然是哈蜜瓜,這種味度真係令人回味啦


胡楊林日出



胡楊林



 






2008年11月22日星期六

2008-10-14 內蒙古、額濟納旗 第三天

今早要到居延海影日出,天未光約5點半就要出發啦,約坐一個小時車程才到,路上黑漆漆一片甚麼都睇吾度,咁唯有小睡片刻啦,話咁快就到達居延海,嘩好多人呀,重有好多影友已擺定腳架等影日出,咁我都快手D搵番個靚位先,日落我就影過無數次,影日出真係影得吾多,有些相我用上色溫4000k出來效果好靚,天空上出現全是藍色,加上日出前有少少紅色光芒,好靚,當太陽從水平線上升起,耀眼的光芒映照在蘆葦上金光閃閃簡直靚到DUP一聲,

之後在這裏行行影影,又到早餐時間,我們在旅遊車上開餐啦,有獨立包裝的腸仔,蛋糕、紙包奶及水等等,我覺得D腸仔幾好味添,不過如加多杯咖啡就最好啦,飽餐一頓後,便驅車前往影胡楊,沿車路兩傍都有好多胡楊林,我們團友一窩蜂走向右邊胡邊林,而我選擇到左邊有條小村莊的胡楊林,當我第一眼見到咁靚的胡楊樹,忍不住讚嘆點解會咁靚架,這包說話是我往後行程講得最多的一句說話,藍天襯上黃色的胡楊真係靚到不得了,之後又到了路邊的胡楊林,這裏有河有倒影加上藍天好靚,因昨晚在天龍賓館晚餐非常之難食,真係好難想像間賓館有咁差的質數,係度住都吾荒好得去邊,聽聞博覽行要係度住五晚咁多添,我地住個間金洋就好佢地好多啦,又新淨又企理起碼比你有舒服的感覺,咁領隊小雲決定改到另一餐廳食午飯,如果和昨晚比當然好好啦,但講真都OK架,

好快又要開始下午的行程黑水城,不知怎樣額濟納旗的陽光非常之曬,中午氣溫又鬼咁熱好似有成25度左右,我今次又帶漏頂帽啦,唯有帶住黑超幫補下,由入口行去黑水城城牆要起碼十五分鐘,從城牆高處遠望,一望無際全是小沙丘,可想這裏風沙真大,真難想像這裏曾有光輝歲月,城內空空如也只剩下小部份的遺跡,我們亦沒有入內只在外面拍拍照,便趕到大同城參觀,因沒有換長鏡又留在車裏,只充充拍下到此一遊照,就要趕到怪樹林影日落,由有大同城到怪樹林只需要車程約25分鐘,怪樹林內有好多枯死的胡楊樹,胡楊特有的耐腐特性,使大片枯死的胡楊樹幹依然直立在戈壁荒漠之上,形成形態怪異的悲涼景觀,今天個天灰灰咁日落影吾度啦,見到D團友圍住棵胡楊加上月亮幾靚,我又要熱鬧下影埋一份,天黑啦要快快走啦,因在入夜後經這怪樹林,真係好似魔戎裏的樹妖一樣,驚驚呀,

今天晚餐安排在酒店內中餐廳包房,我們團友講下講下又在熱鬧氣氛下完成晚餐,今晚又要幫襯呀叔買哈密瓜啦,一個四蚊雞都好抵呀,我們又要齊集人到Taric間房分享飯後果啦,又比我們十個人分享左一個好甜的哈密瓜,明早又要到胡楊林影日出要早d休息。



 



 



 



 



 


 



 


 



 


 


 



黑水城



黑水城



 


大同城



 


怪樹林


 



 


 

 


 


 


2008年11月17日星期一

山頂抬轎比賽2008

有錢、捐錢、有力、就抬轎啦,2008年山頂抬轎比賽,就在一個陽光普照下的早上展開比賽,各隊建兒出盡力跑呀跑,又有隊伍裝扮成特別服飾,競逐最佳服裝獎項等等,每隊亦有自己的口號,我們見到咁熱鬧真係連自己都感受到這氣氛,就算睇大人細路都咁開心






2008年11月14日星期五

2008-10-13 內蒙古、額濟納旗第二天

由銀川要坐約九小時車程才到達額濟旗,食完早餐一出酒店見到好靚的白雲,哈﹗銀川D白雲都好靚呀,在車上領隊小雲要我們團友一一作自我介紹,幾好呀起碼知道全部團友叫甚麼名字,都幾有親切感,行車途中經過大部份都是戈壁灘,還有我們途中都沒有洗手間,只好又要投奔大自然啦,回我們祖國最麻煩的事亦都是好多人吾想番國內玩的原因,中途停在一個非常之小的鎮烏力克食午飯,吾好計好吾好食,只可以飽就可以啦好快又要趕路啦,司機不停的趕路,終於趕到八道橋拍攝日落,因時間關係不可以上沙山影,只可在平地以駱駝做前景啦,夕陽加上晚霞好靚呀食過晚飯團友RITA及呀SUN走去買左2個當地特產哈密瓜,果肉深黃色聞落有一陣一陣香味,食落重吾停得口好正好甜,真係好平好似七紋兩個瓜,好抵呀,我們九個人每人二大件才可分完兩個瓜,要早D休息啦,明天便要開始額濟納旗攝影之旅,要影日出啦