2023年9月21日晴天
吃過早餐又要去出動行山啦,今次要坐巴士再轉兩轉滑雪吊椅纜車才到達起點,這天好多人去行山,巴士滿座好彩我早上車有位坐,好快約二十分鐘就下車,跟著Google map指示,好快就找到吊椅纜車,買了6日pass又可以任坐,吊椅纜車是2人坐,嘩﹗兩腳吊吊堅離地,好驚呀>_<還好吊椅纜車好慢,慢慢睇吓風景又好似吾驚喎^_<約十分鐘左右就到達St.Christina,早上有點清涼,對面山有藍天又有半空浮雲,好靚,影影相就繼續第二段滑雪纜車,今次是大型吊椅5人坐,好慢我吾驚啦^_^到了Monte Pana開始行山,路不難行要上上落落,景觀好開揚,只是後段有點碎石上斜,好開心可以行到這段路徑,挑戰成功。