2023北意大利多洛米蒂山呼吸大自然之旅 - Day 13 - 1 行山Ortisei St.Christina、Monte Pana、Emilio-Comici-Hütte

 2023年9月21日晴天

吃過早餐又要去出動行山啦，今次要坐巴士再轉兩轉滑雪吊椅纜車才到達起點，這天好多人去行山，巴士滿座好彩我早上車有位坐，好快約二十分鐘就下車，跟著Google map指示，好快就找到吊椅纜車，買了6日pass又可以任坐，吊椅纜車是2人坐，嘩﹗兩腳吊吊堅離地，好驚呀>_<還好吊椅纜車好慢，慢慢睇吓風景又好似吾驚喎^_<約十分鐘左右就到達St.Christina，早上有點清涼，對面山有藍天又有半空浮雲，好靚，影影相就繼續第二段滑雪纜車，今次是大型吊椅5人坐，好慢我吾驚啦^_^到了Monte Pana開始行山，路不難行要上上落落，景觀好開揚，只是後段有點碎石上斜，好開心可以行到這段路徑，挑戰成功。

St.Christina有好多草菇裝飾，打咭一流

吾識插花2024

 好喜歡在家裡擺上鮮花作裝飾，

插花靚吾靚真是各花入各眼，

但我覺得插得好順眼，

近來有國內鮮花店到香港開店主打價錢平，

講真此花店不是A級靚花，但花款亦算多，

用上相宜的價錢，亦吸引到好多消費者，

只要去得合時有貨到，

就可買到又平又靚的花。

2023北意大利多洛米蒂山呼吸大自然之旅 - Day 12 - 4 Ortisei val gardena railway(舊火車鐵路)，晚餐

2023年9月20日

行完Seceda(刀鋒山)，坐巴士回O仔鎮，就提早下車去行Val Gardena railway，網上資料不多，只知到是一條舊有火車路，現在已經報廢，這段路現在已是一條行人徑，位處高位，可以眺望O仔鎮全景，兩邊山都有好開揚的景色，一間間小屋坐落於山坡上，遠看真像童話故事的場景，閒逛半小時就回到市中心，回酒店休息，再去吃晚餐。

Val Gardena railway火車型遊樂設施

2023北意大利多洛米蒂山呼吸大自然之旅 - Day 12 - 3 慢步Seceda(刀鋒山)到Col Raiser

 2023年9月20日陰天

來到多洛米蒂(Dolomites)當然是遊走各個山頭，昨天短遊Seceda(刀鋒山)到Col Raiser，今天就慢行，不過天氣不似預期，昨天陽光普照，今天天陰有點清涼及有雲，連最主要的三個山峰都被厚雲遮蔽一半，等了又等厚雲都未能散去，就繼續行山，今天遊人不多，全程下山路行得非常之舒服，到了Col Raiser落山，再轉巴士回O仔鎮。

                 Seceda(刀鋒山)，四周有厚雲

2023北意大利多洛米蒂山呼吸大自然之旅 - Day 12 - 2 Alpe di Siusi / Seiser Alm休斯高原秋色(下)

 2023年9月20日

繼續Alpe di Siusi/ Seiser Alm休斯高原秋色，

因相片眾多要分開兩輯分享。

一出纜車站就有大景，芝芝都要打個咭

醉人美景 - 西九海濱日落 1-6-2014

2024年9月4日，因為搬BLOG出錯，

所有2014年前的相片看不到，

現重新上載相片

多謝大家來捧場，

2014年6月1日晴天

一連數天好天氣，又要出外影影，

差不多兩年無來過西九海濱長廊，

西九已經變天啦，周邊全是地盤，

由圓方行入去，又圍了好多鐵馬，

總之是行呀行呀都好行了超過十五分鐘以上，

內裏設施沒有大改動，仍然有大草地，

西九景觀非常之開揚，無論日與夜都可以一遊，

當你站在公園，可以360度環顧周邊景色，

當天日落之後，漫天紅霞出現，

自己彷彿置身於紅色天空下，

這刻美景相當震撼﹗

2023北意大利多洛米蒂山呼吸大自然之旅 - Day 12 - 1 Alpe di Siusi / Seiser Alm休斯高原秋色(上)

 2023年9月20日晴天

來到意大利多洛米蒂(Dolomites)的重要景點Alpe di Siusi/ Seiser Alm休斯高原，是歐洲最高的高山草原，在休斯高原可以看到Sassolungo、Sassopiatto 和Sciliar這幾座多洛米蒂山峰的壯麗景色，在酒店吃過早餐，步行到Seiser Alm纜車站不用十分鐘就到達，在纜車內可以眺望整個O仔鎮景色，當步出纜車站就可見到大平原，為了省時就坐滑雪吊椅到山下平原，開始行山，整個平原面積十分大，就選取其中一條路線，路吾難行有上有落，平原景色好壯觀，小屋小樹又是一幅幅美景，9月中到訪只有小量秋色，有些草地已變成啡紅色，草地又啡啡黃黃，只要選取一部份再用陰天模式拍攝，就有不錯的秋色相片^_<