沿陡峭山坡的公路上蜿蜒行駛，路邊就是萬丈深崖，也想像不到這些深不
見底的陡坡的盤山路而上，週邊全是霧，心想今日的日落又要落空，車行
約45分鐘，之後見到有點陽光，再行竟然天色漸晴，藍天及陽光出現啦，
重見到雲海，導遊停車給我們拍拍照，又要趕去今日重點拍攝點老虎嘴，
元陽哈尼梯田氣勢磅礡，站在山谷中遠眺梯田，只看到起伏連綿的山巒上
梯田的源頭，卻看不見梯田延綿不斷的盡處，竟是綿綿無盡處的梯田，
要拍出元陽梯田最美的一面，就要把握農曆新年後哈尼人插秧前的一段
時間，這時的田灌了水，還沒有秧苗在上面，像一面面平滑閃爍的鏡子，
映照着漫天的彩霞。旭日初升及日暮西沉是梯田最令人驚歎的時刻，白天
的梯田的光影不夠分明，頓時失去動人的神采。哈尼梯田最集中的區域是
紅河水水系元江、藤條江以及李仙江的三江流域，它們主要分佈在元江、
紅河、元陽、綠春和金平等縣境內。紅河哈尼族彝族自治州有100萬畝
梯田，但是作為世界遺產申報的，只有元陽舊縣城新街鎮周圍的
哈尼梯田。元陽梯田分佈從海拔140米的紅河谷，依山體等高線延伸至
海拔2000米的觀音山腳。它的層數多、面積廣，而且坡度都很陡。
根據哈尼人的古歌和家譜記載，早在五六十代人以前，即1200年到
1500年前，哈尼族的祖先從西藏高原來到雲南南部的哀牢山，開墾了
大片梯田種稻。直到現在，哈尼人仍在這些高原梯田上辛勤勞作，
灌溉了萬畝稻田，老虎嘴梯田現在已經要收費，還建設了多個觀景台，
好彩我們還可以找到位置，老虎嘴梯田面積十分大，但起伏不是太多，
梯田就好像一幅幅砌圖一樣，沒有一幅田是相同，當太陽光照落在田上
，還有點點金，但金光好快就消失，日落沒有彩霞
拍攝完日落天已
經黑，就回到我們住宿的雲梯酒店食晚飯，寄望明天拍攝多依樹梯田
有多點雲霞﹗
停在路邊拍攝雲海及梯田
睇吓各位猛男幾咁專心拍攝
嘩！真係好似一幅畫，風景好靚呀！
回覆刪除[版主回覆03/20/2011 21:43:00]多謝阿威哥咁捧我場 ，這裏的梯田真的好值得去
真係好靚
回覆刪除[版主回覆03/20/2011 22:57:00]多謝你喜歡及到訪
有光线打下去的灌水梯田特别美，田脉好像一丝丝棉线
回覆刪除[版主回覆03/21/2011 00:58:00]元陽吸引無數攝影發燒友，就是每年12-3月灌水梯田，景色特別美﹗
萬畝 梯田，氣 勢磅礡.........
回覆刪除能站在山上感受前人千年辛勤努力的成果........
[版主回覆03/21/2011 01:02:00]真的難以想像咁多梯田，全是人工開墾，工程實在大
嘩 , 簡直是仙境一樣 , 尤其啲雲海 , 美得難以形容 .
回覆刪除[版主回覆03/21/2011 10:02:00]這張相的雲海未算最美，之後幾輯相的雲海，有啲似天空之城，雲海之大簡直
好少旅行團會帶你去睇日落，多數都四、五點就返到酒店，等你眼光光... 我最早嗰次係去九寨溝，三點返到酒店冇嘢做，等到六點幾先至食飯..
回覆刪除[版主回覆03/21/2011 10:08:00]緊係啦,PIN哥,我參加是攝影團，好多時 都是專登帶你去影日出及日落，講真咁樣去旅行，真係辛苦過返工，不過我鍾意咁樣 你去九寨溝咁早番酒店，有冇攪錯？係吾係間酒店好靚，有好多設施比你去玩，好似個間九寨天堂酒店咁，有溫泉浸架﹗
回覆刪除這個大景真係好正! 必影ga)))) 我係office都掛左呢張大相, 日日見住人都開心d)))))
[版主回覆03/21/2011 12:08:00]無去老虎咀等於無去元陽，這個景真係好正﹗
元陽梯田真係好靚，好值得去！
回覆刪除有兩個太陽呀！
[版主回覆03/21/2011 12:20:00]元陽是攝影發燒友朝聖的地方，一定要去呀，我都吾知點解有時影相都有兩個太陽，我都吾記得有無落漸變灰，因為有時用漸變灰都有這個情況出現﹗
勁靚啊! 你由日頭影到日落?
回覆刪除[版主回覆03/21/2011 16:50:00]無錯,是由天光影到天黑
你的漸變灰鏡是否係膠片呢? 用番玻璃會好d 無甘易兩個太陽...
回覆刪除[版主回覆03/21/2011 16:56:00]無錯是膠片,我早前去搵過買吾到，聽你咁講我都要快點點啦，這些錢應該要使架
真係影得幾靚...
回覆刪除[版主回覆03/21/2011 17:00:00]我影得只是一般，同團個啲師兄影得重靚，你去下面睇吓,這張相是同團師兄傑作
http://www.dcfever.com/photosharing/view.php?id=1016414
好正呀! 大大的收穫喇!
回覆刪除[版主回覆03/21/2011 19:39:00]今次都算有收獲，天氣又咁好，起碼日日都睇到梯田，有好多時是大霧甚麼都睇吾見架﹗
你呢個師兄我應該認識的, 以前跟油麻地影會影過幾次相, 見到就認得
回覆刪除[版主回覆03/21/2011 19:35:00]你都見過這位師兄，佢好多人識佢，你去下面睇睇,我有影佢相
http://hk.myblog.yahoo.com/bonnie1206hkhk/index?&page=3
幾個都識的, 影個好幾次相...細界真細小...o
回覆刪除[版主回覆03/21/2011 20:10:00]你有番過油麻地影會，有好多BLOG友都是這個影會
夕陽下更能映出梯田的綫條
回覆刪除[版主回覆03/21/2011 20:46:00]如有多點雲霞倒影就更加完美
我下一回也是 post 老虎嘴. 妳幾時去的.
回覆刪除[版主回覆03/21/2011 23:12:00]是2月3日去老虎嘴﹗
看到了, 妳是2月3 日去的, 我是2月4 日去的. 可能途中曾經遇上過喎.
回覆刪除[版主回覆03/21/2011 23:21:00]2月4日我去了多依樹影日出，下午到壩達梯田拍攝日落，中午回酒店休息，順道到新街鎮拍攝人物，或許我們曽碰過面
五顏六色, 見到都開心,
回覆刪除[版主回覆03/21/2011 23:22:00]原來你開心是會流口水架
嘩, 真係好特別既地方....好似畫咁....
回覆刪除[版主回覆03/21/2011 23:23:00]似畫更似砌圖
老虎咀梯田...有無落下面影？
回覆刪除[版主回覆03/21/2011 23:26:00]無再行落去其它地方影，老虎咀依家整左大型觀景台，有好幾層，其餘地方都好似無路落
Bon Bon，真可惜無法像你一樣到老虎嘴看日落，而我當日所看的地形與你的大不相同，可能是觀點與角度的問題，而且沒有落日的紅霞映照，景色不大美麗。你拍出來的照片很美，真是要向你多多學習。我最欣賞的反而是這一張，遠山的雲海和近處湛藍色的梯田，真是相映成趣！
回覆刪除[版主回覆03/22/2011 16:20:00]元陽吸引之處是如鏡面一樣的梯田，反影到天空上不同的顏色，藍色的梯田就是藍色的天，如日落及日出就是紅紅黃黃橙橙的雲霞倒影，再加上雲霧，真是如畫一樣，多謝你來到訪
無嘢講
回覆刪除靚
[版主回覆03/22/2011 23:41:00]無數攝影發燒友必要去的一個美景
Wa, Bon Bon 靚成咁, 你有冇搞錯呀, 唔知講咩好
回覆刪除[版主回覆03/23/2011 13:41:00]嘩﹗小小,個景咁靚，邊個去都影到咁靚啦
怪不得你話去完這裡的梯田，其他都不用去了
回覆刪除[版主回覆03/24/2011 20:47:00]不過睇元陽梯田都要靠運氣，有團友早幾年來過，大霧到梯田係邊都睇吾到呀 今次旅程可以睇到又影到，我已經好滿足
嘩))))好多張都好靚呀!
回覆刪除[版主回覆03/24/2011 21:38:00]多謝叻叻支持及鼓勵
元陽梯田D相影的好靚啊！ 呢度真係好值得去！尤其對D攝影愛好者，去一次係唔夠嘅，亦影唔晒
回覆刪除[版主回覆03/25/2011 15:42:00]無錯呀,攝影發燒友一定要去，今次旅程真的好好彩天氣好好，才可以拍攝到咁多相﹗
真精彩 !!! 靚得無話可說啊!!! 多謝分享這個美麗壯觀的美景 !!!
回覆刪除[版主回覆03/25/2011 20:16:00]元陽是中國最美的梯田，實在好值得去，今次旅程天氣又十分之好，要睇的梯田都全部睇部實在感到滿意，可以和你們分享我的旅程，我都好開心架
好有線條美....
回覆刪除[版主回覆03/26/2011 21:55:00]除了線條美，還像一幅幅的砌圖﹗
回覆刪除成輯相都好靚！
[版主回覆03/28/2011 14:58:00]多謝你支持及鼓勵 ，仍有更多梯田相片，比這輯更加美，到時請再來捧場
日落晚霞的梯田，真是美不勝收。6_6
回覆刪除[版主回覆10/01/2011 11:54:12]元陽梯田真是美﹗
天然圖畫.美 !
回覆刪除[版主回覆10/01/2011 11:55:12]張張梯田都好像天然砌圖十分美﹗
都係要在日落和日出才能拍梯田的味道.我羡慕你可以去了那麼多漂亮的地方.
回覆刪除[Sing Tak回覆05/31/2012 11:07:41]我都想呀,快喇快喇.
[版主回覆05/31/2012 10:53:40]哈哈,我還以為你退左休啦﹗
[Sing Tak回覆05/31/2012 10:51:10]等我退休就週圍去旅遊及影相.
[版主回覆05/31/2012 10:41:18]吾使羡慕,你有的是時間及錢除時都可以起行，我要工作假期又不多，想去長啲都吾得﹗
我很喜歡這裡的宏偉，不過我當日密雲，看不到完整日落。
回覆刪除[版主回覆04/25/2013 10:10:00]老虎咀梯田真的好宏偉，真難想到咁大工程要用好多時間修建﹗