2010年10月28日晴天
這個旅程的重要拍攝點內藏山，是韓國八景之一，內藏山國立公園以秋天的楓葉而聞名，是全國第一的楓葉山，每年秋季的遊客量達百萬以上，遊覽路線主要以國立公園內具有1500年歷史的內藏寺和白羊寺爲中心。內藏山國立公園有著名的道德瀑布、金仙瀑布、白羊寺、內藏寺等。國立公園北洞附近的內藏山入口處有一條被50-200年樹齡楓樹覆蓋的楓林隧道，以秋天的楓葉而聞名，一到秋天滿山映紅，覆蓋的楓林隧道，走在楓葉滿地的小道，感受秋天微涼卻又清新的氣息，是多麼讓人陶醉的事情，由停車場到入口短短十多分鐘，路傍全是綠樹林蔭，又沒有陽光，心想紅葉去左邊
眼前景像開始變化，楓林隧道大部份仍是綠樹，但又夾集着紅的黃的楓樹都幾靚，可能時間仍早遊人不多，可以慢慢影，在此我們還遇到幾位香港人，她們上年同一天到來好靚，今年再次重遊帶齊架生影相，點之好失望和上年景色差好遠，還告訢我們南怡島銀杏樹好靚，希望過兩日可以睇到靚靚銀杏樹
，我由入口影左差不多四個鐘才入到內藏寺，本想坐覽車上山頂，但又咁多人排隊只好打消念頭，繼續再走走拍拍，向着陽光走回到入口處，內藏山需然好少紅葉，大景好少相改為影葉，又估吾到睇番相啲葉好靚好完整，我實在太愛內藏山
崩崩，邊個話痕國今年少紅葉？ 黃葉，綠葉都大把呀，你係冇影茶葉咋～！
回覆刪除[版主回覆11/24/2010 10:02:00]軍艦痴,今年秋色比往年有點失色，我緊係放啲比較有色彩的相片出來啦，等你們有錯覺以為好靚呀，茶葉有影呀，我係韓國超市買左綠茶呀，遲啲會出一輯韓國食、食、食
崩崩好彩，依家至去痕國就頭痕嘞！
回覆刪除[版主回覆11/24/2010 10:04:00]真係好彩番得來早
哈，睇見第一幅拉爆效果之初以為係3d效果，諗住駛唔駛鬥雞眼或搵番個紅藍眼鏡睇下添。 真係好多紅葉可影，色彩好豐富呢！
回覆刪除[版主回覆11/24/2010 10:07:00]不是拉爆是多重爆光 帶腳架去都是想影這效果，其實只有兩三成紅葉並不算多，只集中影個少少，咪好似好紅咁 不過咁少我都影得好開心，如果是全紅我實影到爆咭啦
內藏山的確好靚, 妳的楓葉拍得好美.
回覆刪除[版主回覆11/24/2010 17:13:00]無錯呀內藏山真的好靚， 相信你見到比我見更加靚，色彩更加多
我由入口影左差不多四個鐘才入到內藏寺
回覆刪除嘩！妳就好啦，咁多時間影！
變色中的紅葉都幾靚喎！
內藏山，人見人愛！
[版主回覆11/24/2010 17:18:00]我去時影得最多相是在此四個鐘呀，之後開始無光，要走番轉頭追住啲光影葉呀，好彩有陽光，就算爛葉都好靚，你們無時間影實在無奈，唯有自遊行再去過啦，下一輯俗離山我影左好多枯葉呀
回覆刪除不愧韓國八景之一, D葉好多唔同顏色, 七彩繽紛呀!
[版主回覆11/24/2010 17:27:00]其實未算多只有兩、三成，到了100%全部都是又黃又紅，靚到不得了。
今年日本的紅葉也不太美呢, 呢張幾好吖.........
回覆刪除[版主回覆11/24/2010 17:35:00]今年好多地方的秋色都遲來，我去時好少紅葉，不過影個少少都影得好開心，多謝你喜歡呀
其實黃葉都好靚....
回覆刪除[版主回覆11/24/2010 17:49:00]黃葉都吾錯，今次還影左好多綠色楓葉
E樹好似人少D，會不會可以靜心欣賞紅葉？
回覆刪除師姐，黃藍色調好合拍
[版主回覆11/24/2010 23:08:00]不是太多人可以慢慢影，影時我不停讚嘆點解會咁靚架 透光的楓葉真的好靚，吾好咁叫我啦
紅中的一點藍好靚，
回覆刪除首歌好好聽。
[版主回覆11/24/2010 23:10:00]只睇相可能單調，配上歌曲可以令大家再投入睇。
係早咗幾日去,不過你都影得好靚喎!
回覆刪除[版主回覆11/24/2010 23:38:00]多謝你呀
你去嘅時候又有另一特色，都好靚吖 ! 你去嘅時候咁少人, 影相都靚啲, 我果啲十張有八張都係人山人海
回覆刪除[版主回覆11/25/2010 00:58:00]其實紅葉不多，就集中影個少少囉 九點鐘就入到內藏山好少人，可以影到條路無人就知啦 中午左右開始多人啦
回覆刪除透光好靚
[版主回覆11/25/2010 09:43:00]THANKS
內藏山亦是我韓國最愛的賞楓地方
回覆刪除[版主回覆11/25/2010 13:35:00]我都好喜歡這個地方。
好靚呢!
回覆刪除[版主回覆11/25/2010 13:35:00]都吾錯
見到果 D 葉, 諗起楊桃 !!!
回覆刪除[版主回覆11/25/2010 16:27:00]你留言我諗起拖肥
我哋星期日去 , 好多人又塞車 , 結果中途步行上山 , 逗留的時間不多 , 冇時間慢慢欣賞及影相 , 我覺得很嘥 .
回覆刪除[版主回覆11/25/2010 16:29:00]塞車大家都吾想，你們得咁少時間真是可惜，內藏山真的好值得再去。
我上一排部DC跌親，有個角就係咁嘅情形嘞（發射線）.... 原來係「是嘥佬」，早豬唔修理啦！
回覆刪除[版主回覆11/25/2010 20:53:00]比你笑C我啦「是嘥佬」
覺得你好識去旅行, 常可以在最適合的時候去適當的地方
回覆刪除[版主回覆11/25/2010 22:26:00]今年韓國秋色比較遲來，睇不到最靚的秋色，但都已經好開心啦。
bonnie, 紅葉影好靚呀, 好羨慕呀! ^^
回覆刪除[版主回覆11/25/2010 22:36:00]大大，吾使羡慕呀你下年去啦，韓國秋色真的不錯，今年韓國秋色比較遲來，我去到好多地方未變紅，如果全變紅實比我影到爆咭呀 或許下年我都會再去，因為影吾夠呀，我要影、影、影 fotop個邊睇相會比yahoo靚好多，如果你想睇我寫行程點滴，有時間就入來yahoo捧我場啦
回覆刪除我喜歡呢張 , 睇來呢日多d紅葉影喎~~~正~~
[版主回覆11/25/2010 22:59:00]其實未算好多，只有20-30%左右，全紅是是在11月6日，不過影個少少都影得好開心。
嘩! D葉變色既? 好靚啊!
回覆刪除[版主回覆11/26/2010 13:06:00]歡迎小柑媽來探我呀 我都是第一次睇到變緊色的楓葉，重有一張好得意，是片楓葉左右兩種顏色，好似中間有界線好齊整，過兩日你過來睇
影得好, 揀歌正, 一邊睇彷彿一邊感受那股深秋的淡淡憂鬱,好有feel呀
回覆刪除[版主回覆11/26/2010 21:52:00]係吾係有點浪漫氣氛
無 "玲姐" 同行, 會唔會有少少失落呢 !!
回覆刪除[版主回覆11/26/2010 23:03:00]緊係有啦,無左佢少左好多笑聲
內藏山風景真的好靚, 紅葉處處, 你一定影到唔停得手喇!
回覆刪除呢首歌在韓劇有聽過, 不過忘了是那套劇啦。
不過亦都好好聽哩.....
[版主回覆11/27/2010 23:40:00]需然睇不到最美的內藏山，但得個少少我都影到吾停得手 ，如果是全紅，我實影爆咭 內藏山真的好值得去，或許下次要自遊行，會有更多時間影，首歌是電影我的野蠻女友的主題曲
內藏山的紅葉很美啊 !
回覆刪除[版主回覆11/30/2010 12:47:00]內藏山真的不錯，今次只睇到兩、三成紅葉，如果再過多一個星期去，已經全紅重更加靚。
塊爛葉都影到咁有氣質! 你好勁^^
回覆刪除[版主回覆09/20/2011 00:07:51]咁耐的網誌都比你搵到添，內藏山的葉不算爛,算好完整架﹗
真係唔夠紅.
回覆刪除[Sing Tak回覆05/29/2012 15:23:17]是的.
[版主回覆05/29/2012 15:09:14]吾紅咪集中影有紅的葉﹗
hello, when did you go to 內藏山? really beautiful !!
回覆刪除[版主回覆10/18/2012 17:32:25]我是2010年10月28日去內藏山紅葉不是多，只有三成左右﹗