2010年7月22日天陰大雨
整天都天陰陰，由下午開始落大雨，先是黃雨跟住紅雨，話咁快吾夠十分鐘就轉黑雨，好大雨又行雷閃電，好奇怪南區天空上竟然好清無咁大雨，好快就上到巴士，轉個灣就落到橫風橫雨，真係好彩上到車冇濕到，塞左一陣車出到摩利臣山近馬會迴旋處水浸，水深約有1呎水，好多人要澗水而行，坐巴士回家途中見到奇景，維港西面竟然出現左少少藍天及黃黃的光，在雲層間又有點點紅霞，真是奇景，回到家打開窗又見到天空上出現了紅霞，又要快快攞相機影，又一次記錄着天氣變化出現的奇景
天空上出現了少少紅霞
天空上出現了少少紅霞
天空上出現了少少紅霞
天空上出現了少少紅霞
當時還未大雨，遠致飛鵝山都可以清楚看見
你就好啦冇濕 , 我就濕晒 , 仲要係巴士塞兩個鐘要返到屋企
回覆刪除[版主回覆07/23/2010 09:40:00]真係好好彩，上車時吾係咁大雨，只是有點塞車，返到屋企都無濕呀 濕晒小心著涼呀
尋日真係好怪，黑雨之後個天紅晒，同事個個都嘩嘩聲，冇幾耐見到日落添........兩個鐘內甜酸苦辣乜都齊晒！ 我八點收工重落緊雨，不過細晒囉！
回覆刪除[版主回覆07/23/2010 10:37:00]真係估佢吾到，其實上一個風康森都有咁情況出現，只是無今次咁明顥，我返到屋企第一時間打開窗簾睇睇，嘩﹗有冇攪錯，竟然有紅霞，即攞相機影，我部單反長期有電係到方便我影相 你都要八點收工，真係....無辨啦
以後想知道天氣情況, 唔駛再上天文台個網站 ...
回覆刪除嚟呢度睇下就知 !!
[版主回覆07/23/2010 20:52:00]吾使上天文台網站,好呀，咁你要過來睇吓啦
依家D風雲變色真變化萬千....聽說尋日仲在小西灣海面出現水龍捲添(小時候在華富邨對開海面我見過)...
回覆刪除[版主回覆07/23/2010 22:20:00]最近兩次打風前夕都比我影到日落變化 睇報紙知道小西灣對出有水龍捲出現
真係要買返對雨靴傍下身 !!!
回覆刪除[版主回覆07/23/2010 22:52:00]好提議
黑雨那天下班最大雨, 幸好是坐mtr, 不用塞車, 那天晚上享用了一餐豐富的buffet, 但想不到同時間這場黑雨就奪去很多人的美滿家園, 唉~
回覆刪除[版主回覆07/24/2010 22:25:00]黑雨個日我真係好好彩無濕過，又見証到奇異的日落，但同一時間在某地已發生了不幸的事情，希望不要再發生咁不幸的事。
黑雨個日仲出左街睇醫生, 全身濕哂!!
回覆刪除[版主回覆07/24/2010 22:26:00] 濕晒有冇冷親，睇完醫生好啲未
黑雨在家都有相影！
回覆刪除[版主回覆07/24/2010 22:29:00]黑雨緊係要返屋企最安全啦 完全無想過返到屋企都重見到少少紅霞，可能我又無聊
你真你好彩
回覆刪除[版主回覆07/24/2010 22:33:00]都幾好彩架 ，康森及燦都來臨前都比我見到變化好大的日落，又估吾到黑雨都比我見到紅霞，但真正奇景因吾方便影相只好留在腦中。
我都見到放工個時個天好靚。落雨的地方就好多黑雲，無落雨的地方個天好光，又有藍天日落效果。可惜我無帶機係身啦!
回覆刪除[版主回覆07/25/2010 11:41:00]你都見到奇景，我當時坐緊巴士又無窗口位，有機都影吾到，我成日住袋住部DC機仔架
個日個天表演;變臉"
回覆刪除[版主回覆07/27/2010 12:21:00]相信你都睇到奇異變化，真係估佢吾到架
VSV5NJ現在望出去, 嘩....個天勁黑!
回覆刪除[版主回覆07/29/2010 19:38:00]係呀,剛剛係銅鑼灣街上颳起強風，黑雲好似要壓落黎咁，好彩上左巴才落大雨 ，依家係屋企又開始落雨又有閃電，我想影閃電
回覆刪除天空果隻紫又幾靚喎~
[版主回覆07/29/2010 19:40:00]絕冇加工,只用AUTO色溫出來的效果