2010年5月7日
早上掛上黃色暴雨訊號，又行雷又大雨，打開窗竟然比我見到一條巨大閃電，好似離我好近，好似係杏花村對上天空，我還是第一次見到咁大條的閃電，之後見到飛鵝山有好多霧，吾知維港會吾會有如SAM 哥在汀九影到的奇景呢
，一上車就準備DC機仔，當車行到由杏花村轉出筲箕灣時，被景色嚇了一跳，見到香港西面非常之光亮，天一點都不暗，還有一條雲帶由九龍獅子山一路伸延到飛鵝山一帶，當時維港兩岸因落完雨後非常之清楚，在東廊遠致大霧山都可以清楚看見，加上塞車我又係咁不停影、影、影
我覺得有少少似日本富士山，原來飛鵝山是可以咁靚
這張相好有日落FEEL
中間最遠處有個發射站是大霧山，山下好似有雲海
我最喜歡這張相
加送我家窗前霧景
加送我家窗前霧景
加送我家窗前霧景
加送我家窗前霧景
小檬: 我都第1呀!!!
回覆刪除[版主回覆05/08/2010 21:30:00]檬檬，好叻叻
回覆刪除好靚呀 ! 不在乎在雨中或鎖住在霧裡。
[版主回覆05/08/2010 21:42:00]THANKS
回覆刪除仙境一樣
[版主回覆05/09/2010 09:06:00]個朝早維港兩岸有好多雲霧好鬼似仙境，又塞車行得慢才可以影到多張相
回覆刪除玉帶環腰!
[版主回覆05/09/2010 09:08:00]早晨,Maymay母親節快樂， 玉帶環腰!， 好提名呀
你應該放定部相機在窗口 , 隨時影閃電
回覆刪除[版主回覆05/09/2010 20:31:00]我係影緊相架，用緊部DC機仔影，按下快門後見到條閃電不過係影吾到呀 我都好想影閃電，有一次夜晚見係咁閃，攞出腳架SET好位等，不過影吾呀，可能我未識掛
維港加雲帶好鬼正
回覆刪除[版主回覆05/09/2010 20:33:00]今次算有點驚喜，可以影到咁多雲帶，不過我還是喜歡早前的一輯911多一點﹗
5月8日仲搞笑......香港區霧氣濃...以為會落雨.....九龍區有D陽光.....新界區直頭曬到傻.....搞到我無端端帶左把遮....拎左成日...
回覆刪除[版主回覆05/09/2010 21:06:00]我同你有同感呀，個日早上我家非常之大霧，係屋企望吾到九龍，連最近的對面屋苑都吾見左，點之一上東區走廊就見到有陽光又有藍天，係九龍官塘一帶好好天，又奇怪係紅磡又有好多霧，係南區又成日都好天，點之黃昏再返出銅鑼灣又大霧，我又走左去海傍影霧，又突然出現個咸蛋黃有耶蘇光，你話個日係吾係好奇呢，吾知算吾算是異像呢 遲些我會上載5月8日影的相﹗
都覺得依排嘅雲霧好奇.....繞住個山....
回覆刪除[版主回覆05/09/2010 21:10:00]其實由2月尾到4月都有好多日有咁情況出現，我都影左3輯相，你可以睇番我3月份出的BLOG
beautiful clouds.
回覆刪除[版主回覆05/09/2010 23:18:00]THANKS
謝謝分享,
回覆刪除這幾天我在家等拍了很多不同天色的相片,
只是未有時間整理
[版主回覆05/09/2010 23:34:00]有時間就上載和我們分享呀
你屋企望出去既景幾好喎, 我地呢度樓望樓架....同對面屋如果伸隻手出黎, 真係可以握到手 !!!
回覆刪除[版主回覆05/09/2010 23:41:00]其實我同隔離單位個聽好近架，真係打開窗都可以握手 ，影上列窗前相片是在房影架，向西下午好鬼熱，之不過向西我夜晚七點多回到家，夏天時又可以影到晚霞，所以我部相機成日有電，方使我影。
Very nice !
回覆刪除[版主回覆05/10/2010 12:09:00]只是好好彩比我見到，有DC機仔在身真方便影
好正, 我就是等緊這樣的機會。多謝分享!
回覆刪除[版主回覆05/10/2010 12:18:00]其實吾係成日影到架，要坐樓上窗口位，加上行車太快又隔住玻璃，好多時影到鬆旭矇，所以比我影到我都好開心， 又可以和大家分享這點更加開心
星期六朝早都係咁呀，九龍嗰邊幾乎冇晒嘢睇，剩係得個獅子頭，但一過咗痛籮灣就一天都光晒！唔通東區真係招風雨？
回覆刪除[版主回覆05/10/2010 12:23:00]PIN哥,真係吾知點解,今年這些奇霧景像多數在東區，但早幾日有位影友，是樓下個位SAM哥,佢影左一輯霧之霧好正，雲海竟然在汀九一帶，你有時間就入去睇睇好正架﹗
我很喜歡這張...........
回覆刪除[版主回覆05/10/2010 13:13:00]這張我都好喜歡
真令人羨慕, banner嗰張都唔錯
回覆刪除[版主回覆05/11/2010 13:27:00]Paul哥,只是咁好彩比我見到加上塞車才可影到
WAOO.....Bon Bon 呢篇報導果然精彩 , 近來我公私兩忙, 遲咗欣賞, 真係唔好意思
回覆刪除[版主回覆05/24/2010 20:53:00]火雞師兄,吾緊要忙係好多香港人都係咁，我都好忙架，個個星期煩去邊影相呢 這輯相是利用坐車時影，又塞車咁就影到啦。
你家窗前好開揚呀! 真好!
回覆刪除[版主回覆06/10/2010 20:52:00]其實我家只有房景最開楊，有時日落時份重可以影到晚霞添
雨後的香港, 好多時都見到這樣的情況, 但你好叻啊! 能把握到好時光.
回覆刪除[版主回覆01/07/2011 23:35:00]我每一日都帶住部DC機仔，咁好彩坐到窗口位，加上塞車就影到啦，如果架巴士行得快，就影吾到啦﹗